ప్రముఖ కమెడియన్ వేణు మాధవ్ కుటుంబంలో విషాదం

విక్రమ్ బాబు

చిత్ర పరిశ్రమలో విక్రమ్ బాబు అందరితో ఎంతో హుందాగా వ్యవహరించే వారని గుర్తు చేసుకుంటున్నారు. కాప్రాలోని మంగాపురంలో విక్రమ్ బాబు తన కుటుంబంతో కలిసి నివాసం ఉంటున్నారు. పది రోజుల క్రితం తన కూతురు వివాహం ఘనంగా నిర్వహించారు. ఈ వేడుకకు పలువురు సినీ ప్రముఖులు హాజరయ్యారు.

హ్యాపీ మూడ్లో నుంచి బయటకు రాక ముందే...

కుటుంబ సభ్యులు తమ ఇంట్లో జరిగిన వివాహ వేడుకకు సంబంధించిన హ్యాపీ మూడ్లో నుంచి ఇంకా బయటకు రాకముందే ఇలాంటి విషాదం చోటు చేసుకోవడం అందరినీ కలిచివేసింది. ఎంతో ఆరోగ్యంగా ఉన్న విక్రమ్ బాబు హఠాన్మరణం షాక్‌కు గురి చేసింది.

ముగిసిన అంత్యక్రియలు

కుటుంబ సభ్యులు, బంధువులు, స్నేహితుల అశృనయనాల మధ్య శనివారం సాయంత్రం లక్ష్మీ నగర్ శ్మషాన వాటికలో విక్రమ్ బాబు అంత్యక్రియలు ముగిశాయి.

వేణు మాధవ్‌, కుటుంబ సభ్యులకు ఓదార్పు

వేణు మాధవ్ సోదరుడి మరణవార్త తెలుసుకున్న పలువురు సినీ ప్రముఖులు, రియల్ ఎస్టేట్ వ్యాపార రంగానికి చెందిన ఇతర వ్యాపారులు కుటుంబ సభ్యులను పరామర్శించి ఓదార్చారు. విక్రమ్ బాబు మృతి పట్ల ప్రగాఢ సానుభూతి ప్రకటించారు.