Click it and Unblock the Notifications
విక్టరీ వెంకటేష్ రాజమౌళి మూవీ బాహుబలి
వెంకటేష్ ఫ్యామిలీకి చెందిన రానా ఈ చిత్రంలో ముఖ్యమైన పాత్రలో నటిస్తున్న సంగతి తెలిసింది. హాలీవుడ్ లెవల్లో 'బాహుబలి' చిత్రాన్ని తెరకెక్కించేందుకు రాజమౌళి చేస్తున్న ప్రయత్నాన్ని వెంకటేష్ అభినందించారు. సినిమా బాగా రావాలని బెస్టాఫ్ లక్ చేప్పారు. బాహుబలి మూవీ సెట్స్లో రాజమౌళి, వెంకటేష్ కలిసి దిగిన ఫోటోను ఇక్కడ చూడొచ్చు.
భారీ బడ్జెట్ చిత్రాన్ని ఆర్కా మీడియా వర్క్స్ పతాకంపై శోభు యార్లగడ్డ, ప్రసాద్ దేవినేని నిర్మిస్తున్నారు. ప్రస్తుతం ఈ చిత్రం షూటింగ్ రామోజీ ఫిల్మ్ సిటీలో జరుగుతోంది. బాహుబలి చిత్రంలో రానా, ప్రభాస్ అన్నదమ్ములుగా నటిస్తున్నారు. సినిమా మొత్తం వీరిద్దరి చుట్టూనే తిరుగుతుంది. రానా ఇందులో నెగెటివ్ క్యారెక్టర్లో కనిపించనున్నాడు.
దర్శకుడు రాజమౌళి భారతీయ సినిమా చరిత్రలో ఇప్పటి వరకు ఏ సినిమాలోనూ చేయని విధంగా 'బాహుబలి' యుద్ధ సన్నివేశాలు చిత్రీకరించడానికి ప్లాన్ చేసారు. ప్రధాన తారాగణంతో పాటు దాదాపు 2000 మంది జూనియర్ ఆర్టిస్టులతో ఈ యుద్ధ సన్నివేశాలు చిత్రీకరణ రామోజీ ఫిల్మ్ సిటీలో జరుగుతోంది.
ఈచిత్రం భారతీయ సినీ చరిత్రలోనే మునుపెన్నడూ లేని విధంగా అద్భుతమైన సాంకేతిక పరిజ్ఞానం ఉపయోగించి తెరకెక్కిస్తున్నాడు రాజమౌళి. ఇప్పటికే 'ఈగ' చిత్రంతో రాజమౌళి ఖ్యాతి అంతర్జాతీయంగా పాపులర్ అయింది. ఈ చిత్రం ఆయనకు మరింత పాపులారిటీ తెస్తుందని భావిస్తున్నారు ఇండస్ట్రీ వర్గాలు. ఈ చిత్రం ప్రేక్షకుల ముందుకు 2015లో వచ్చే అవకాశం ఉంది.
Continue with Google