ఎన్టీఆర్ బయోపిక్: బసవతారకం పాత్రలో విద్యా బాలన్ లుక్ ఇలా..!

బసవతారకం పాత్రలో విద్య బాలన్ ఇలా

‘ఎన్టీఆర్ బయోపిక్' షూటింగ్ సమయంలో బసవతారకం పాత్రపై సన్నివేశాలు చిత్రీకిస్తున్న సమయంలో విద్యా బాలన్ కాటన్ సారీలో దర్శనమిచ్చారు. ఈ ఫోటో చూస్తుంటే క్రిష్ ఈ పాత్రను ఎంత అద్భుతంగా చిత్రీకరిస్తున్నారో అర్థమవుతోందని అభిమానులు చర్చించుకుంటున్నారు.

శ్రీదేవి పాత్రలో రకుల్

ఈ బయోపిక్ మొదటి భాగం ‘కథా నాయుడు' పేరుతో రూపొందుతోంది. ఇందులో ఎన్టీఆర్ సినీ జీవితం గురించి చూపించబోతున్నారు. హీరోయిన్ శ్రీదేవి పాత్రలో రకుల్ ప్రీత్ సింగ్ కనిపించబోతున్నారు. ఇందులో ‘ఆకు చాటు పిందె తడిసె' పాటను సైతం రీమిక్స్ చేశారు.

సంక్రాంతికి వస్తున్న కథానాయకుడు

ఎన్టీఆర్ చిన్నతనం, సినిమాల్లోకి ఎలా వచ్చారు, విశ్వా విఖ్యాత నట సార్వభౌముడిగా ఎలా ఎదిగారు అనేది మొదటి భాగంలో చూపించబోతున్నారు. జనవరి 9న ఈ చిత్రం ప్రేక్షకుల ముందుకు రాబతోంది.

మహానాయకుడు

రెండో భాగం ‘మహా నాయకుడు' చిత్రంలో ఎన్టీఆర్ రాజకీయ అరంగ్రేటం, పార్టీ పెట్టిన 9 నెలల్లోనే అధికారంలోకి రావడం లాంటి ఘట్టాలు చూపించబోతున్నారు. జనవరి 25న ఈ చిత్ర విడుదల కాబోతోంది. ఈ చిత్రానికి ఎంఎం కీరవాణి సంగీతం అందిస్తుండగా... బాలకృష్ణ, విష్ణు ఇందూరి, సాయి కొర్రపాటి నిర్మాతలుగా వ్యవహరిస్తున్నారు.