పెళ్లై ఐదేళ్లయినా ఇంకా పిల్లలు?.., నా జీవితంలో 20మంది..: విద్యా బాలన్

బర్త్ డే.. సెలబ్రేషన్స్:

'39వ వడిలోకి అడుగుపెడుతున్న సందర్భంగా ఏదైనా ప్రత్యేకంగా సెలబ్రేట్‌ చేసుకోవాలని అనుకుంటున్నాను. ఇందుకోసం నా స్నేహితులు, నా భర్త కూడా ఏవో ఏర్పాట్లుచేస్తున్నారు..' అని విద్యా చెప్పారు.

20మంది పిల్లలు:

విద్యా బాలన్ ప్రెగ్నెంట్ అని ఆమధ్య పుకార్లు షికారు చేసిన సంగతి తెలిసిందే. పెళ్లై ఐదేళ్లయినా పిల్లలు లేకపోవడంపై విద్యా తాజాగా స్పందించారు. 'నా సినిమాలే నా పిల్లలు. అంటే నా జీవితంలో 20 మంది పిల్లలున్నారు' అని చెప్పుకొచ్చారు.

సినిమాలపైనే ధ్యాస:

ప్రస్తుతం తన ధ్యాసంతా కేవలం సినిమాలపైనే ఉందన్నారు విద్యా బాలన్. కెరీర్ పరంగా మరిన్ని మంచి చిత్రాలు చేయాలని భావిస్తున్నట్లు తెలిపారు.

'సులు'తో అదరగొట్టిన విద్య:

ఈ ఏడాది విడుదలైన 'తుమ్హారీ సులు' చిత్రంలో ఓ మధ్య తరగతి ఇల్లాలి పాత్రలో విద్యా తనదైన నటనతో కట్టిపడేశారు. భార్యగా, తల్లిగా, ఉద్యోగిగా మధ్యతరగతి మహిళగా సులు పాత్రలో విద్యా ఒదిగిపోయిన తీరుకు అందరూ ఫిదా అయిపోయారు. బాక్స్ ఆఫీస్ వద్ద ఈ సినిమా రూ.50కోట్ల పైచిలుకు కలెక్షన్స్ రాబట్టింది. ఇదే ఏడాది విడుదలైన బేగం జాన్ సినిమా మాత్రం నిరాశపరిచింది.