కిస్సింగ్ కనెక్షన్

By Staff

Published: Wednesday, March 25, 2026, 2:32 [IST]

'అబ్బా...నటించమంటే...జీవించేస్తున్నారు..అయితే నష్టమేముంది...మంచిదేగా...' 'అయ్యా! అది రొమాంటిక్ సీను...తెరపై కన్నల పండువుగా ఉండాల్సిన సీన్స్ సెట్ లో పండితే ఎలా ? కష్టం కదా!' అంటున్నారు దర్శక, నిర్మాతలు. తనువులని వెచ్చ బరిచే ఈ తమాషా సన్నివేశం 'కిస్మత్ కనెక్షన్' షూటింగ్ లో జరిగింది. ఆశిష్ మెహ్రా నిర్మిస్తున్న ఆ సినిమాలో విద్యాబాలన్, షాహిద్ కపూర్ హీరోహీరోయిన్లుగా చేస్తున్నారు. ఇటీవల దాని నిమిత్తం ఒకరిపై మరొకరు ఒరిగిపోయే ఓ రొమాంటిక్ సన్నివేశ చిత్రీకరణ జరిగింది. అప్పుడు వాళ్ళిద్దరూ నిజంగానే జీవించేసారు. డైరక్టర్ కట్ చెప్పినా ఆ ఇద్దరూ కదలకుండా చలనం లేకుండా అలాగే ఉండిపోయారు.

వినపడలేదేమో నని సదరు దర్శకుడు మళ్ళీ ట్రై చేసాడుట. కానీ వాళ్ళిద్దరూ సేమ్ పొజీషన్ కంటిన్యూ చేస్తున్నారు. దాంతో పరిస్థితి అర్థం చేసుకున్న వారు మౌనంగా ఉండి పోయారు. కాసేపటికి వాళ్ళిద్దరూ తేరుకుని సీన్ లో లీనమైపోయామని బిల్డప్ ఇచ్చారట. దాంతో యూనిట్ వాళ్ళెవరూ నమ్మకపోయినా నమ్మినట్లు నటించాల్సిన పరిస్థితి వచ్చిందిట. ఇక ఈ సిట్యూవేషన్ తో వారిద్దరి మథ్య ఏమీ లేదని అంటున్న మాటలకు అర్థం లేకుండా పోయినట్లైంది. దాంతో ఇప్పుడు బాలీవుడ్ లో 'కిస్మత్ కనెక్షన్' కన్నా ఈ కిస్సింగ్ కనెక్షన్ గురించే మాట్లాడుకుంటున్నారు.

More from Filmibeat