Don't Miss!
- News వైసీపీకి బీఆర్ఎస్ గతే: గంటా శ్రీనివాసరావు సంచనల వ్యాఖ్యలు
- Sports LSG vs CSK: రప్ఫాడించిన రాహుల్... లక్నో ఘన విజయం
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
నా వద్ద అలాంటి వేషాలేస్తే అంతే: కాస్టింగ్ కౌచ్ మీద విద్యా బాలన్
ఇండస్ట్రీలో కాస్టింగ్ కౌచ్ అంశం మీద, లైంగిక వేధింపుల అంశం మీద విద్యా బాలన్ స్పందించారు.
సినిమా ఇండస్ట్రీలో కాస్టింగ్ కౌచ్ అనేది తరచూ వినిపించే మాట. కొందరు నిర్మాతలు, దర్శకులు హీరోయిన్లను లైంగికంగా వేధిస్తూ... అవకాశాల పేరుతో వారిని బలవతంగా లొంగదీసుకుంటారు అనేది కూడా పలు సందర్భాల్లో నిజమైంది. ఇటీవల హాలీవుడ్లో నిర్మాత హార్వీ వెయిన్స్టెన్ వ్యవహారం సంచలనం అయిన సంగతి తెలిసిందే.
తాజాగా ఓ వార్తా సంస్థ నిర్వహించిన 'స్ట్రైట్ టాక్ విత్ విద్యా బాలన్' కార్యక్రమంలో విద్యాబాలన్ పలు అంశాలపై తన అభిప్రాయాలను పంచుకున్నారు. కాస్టింగ్ కౌచ్ అంశంపై కూడా ఆమె స్పందించారు. ఇలాంటి అంశాల్లో తనను తాను సెల్ఫ్ ప్రొటెక్ట్ చేసుకుంటానని తెలిపారు.
అందరినీ ఒకే విధంగా జడ్జి చేయలేం
లైంగిక వేధింపులు, కౌస్టింగ్ కౌచ్ లాంటి పరిస్థితులు ఎదురైనపుడు చాలా సందర్భాల్లో మహిళలు ఎందుకు మౌనంగా ఉంటారు? అనే ప్రశ్నకు విద్యా బాలన్ స్పందిస్తూ... ఇలాంటి అంశాల్లో అందరినీ ఒకే విధంగా జడ్జి చేయలేం. ఎవరి కారణాలు వారికి ఉంటాయి అని విద్యా బాలన్ అన్నారు.
నేనే ప్రత్యక్ష ఉదాహరణ
కల్చర్ ఆఫ్ సైలెన్స్ అనేది ఇండియన్ సినిమా పరిశ్రమలోనూ ఉందా? పాశ్యాత్య దేశాల్లో మాదిరిగా ఇక్కడి సినిమా ఇండస్ట్రీలో కౌస్టింగ్ కౌచ్ సంస్కృతి, లైంగికంగా వేధించే వారు ఉన్నారు అనేది బహిరంగ రహస్యమేనా? అనే ప్రశ్నకు విద్యా బాలన్ స్పందిస్తూ... ‘ఇండస్ట్రీలో అందరూ అలా ఉంటారు అని అనుకోకూడదు, అందుకు నేనే ప్రత్యక్ష ఉదాహరణ' అని విద్యా బాలన్ అన్నారు.
అది వారి వ్యక్తిగతం
నేను ఒక ప్రివిలైజ్డ్ బ్యాగ్రౌండ్ నుండి వచ్చాను, నేను సినిమాలను ఒక పాషన్తో చేస్తున్నాను. కాస్టింగ్ కౌచ్ లాంటి విషయాలు తన వద్దకు ఏమైనా వస్తే చాలా సీరియస్ గా ఉంటాను. ఆ దారిలో కొందరు ఎందుకు నడుస్తున్నారు అనే విషయమై నేను స్పందించను, అది వారి వ్యక్తిగతం అని విద్యా బాలన్ అన్నారు.
నా వద్ద అలాంటి వేషాలేస్తే అంతే
నా వద్ద ఎవరైనా కాస్టింగ్ కౌచ్, లైంగిక వేధింపులు లాంటి వేషాలు వేస్తే అస్సలు సహించను. అలాంటి ఆలోచనలు తన వరకు రాకుండా ముందే తగిన హెచ్చరికలు క్రియేట్ చేస్తాను. ఒక వేళ తాను పని చేసే చోట ఎవరిలో అయినా అలాంటి చెడు గుణాలు ఉన్నాయని తెలిస్తే వారికి దూరంగా ఉంటాను అని విద్యా బాలన్ వ్యాఖ్యానించారు.