ఆరోగ్య సమస్యలు వచ్చాయ్.. లావు తగ్గడంపై అలాంటి కామెంట్లు.. విద్యుల్లేఖ ఎమోషనల్

వాటితో ఫేమస్..

విద్యుల్లేఖ రామన్ ఎక్కువగా తమిళ, తెలుగు చిత్రాల్లో కనిపిస్తూ ఉంటుంది. సరైనోడు సినిమాలో తమిళ కోడలిగా బాగా నటించింది. రన్ రాజా రన్, రాజు గారి గది, దువ్వాడ జగన్నాథం ఇలా ఎన్నో చిత్రాల్లో కమెడియన్‌గా నటించి అందరినీ మెప్పించింది. హీరోయిన్లకు స్నేహితురాలి పాత్రల్లోనూ చాలా సినిమాల్లో కనిపించింది.

ఆ మధ్య అలా..

విద్యుల్లేఖ రామన్ రాను రాను మరింత లావుగా తయారైంది. కానీ ఆ మధ్య ఓ సారి సడెన్‌గా ఓ ఫోటోను షేర్ చేసి షాకిచ్చింది. మొత్తంగా సన్నపడి కనిపించింది. వర్కవుట్లు చేసి ఇలా జీరో సైజ్‌లోకి మారేందుకు ప్రయత్నించింది. మొత్తానికి విద్యుల్లేఖ రామన్ మాత్రం తన శరీరాకృతిని మార్చుకుంది.

తాజాగా ఇలా..

విద్యుల్లేఖ తాను అలా మారడానికి కారణాలు చెప్పుకొచ్చింది. ప్రస్తుతం ఆమె సంపూర్ణేశ్ బాబు పుడింగి నెంబర్ వన్ సినిమాలో హీరోయిన్‌గా చేస్తోంది. ఈ మూవీ ప్రారంభోత్సవంలో భాగంగా విద్యుల్లేఖ మాట్లాడుతూ ఎమోషనల్అయింది. తాను ఇలా మారిపోవడానికి కారణాలు కూడా వివరించింది.

ఆరోగ్య సమస్యలు..

నేను లావు ఎక్కువ అవుతుండటం వల్ల ఆరోగ్య సమస్యలు వచ్చాయ్.. అందుకే నేను నా శరీరాకృతి మీద దృష్టి పెట్టాను. చాలా తగ్గాను. అయితే ఆ సమయంలో మాత్రం నాపై వింత కామెంట్లు చేశారంటూ విద్యుల్లేఖ ఎమోషనల్ అయింది.

Recommended Video

Malli Malli Chusa Movie Public Talk | Anurag Konidena | Shweta Avasthi

అలాంటి కామెంట్లతో..

ఇక కమెడియన్‌గా చేయవా? హీరోయిన్‌గానే చేస్తావా? అంటూ నా మీద కౌంటర్లు వేశారు. అయితే నేను లీడ్ రోల్ చేస్తూ కామెడీ చేయాలని అనుకున్నాను. అలా నేను కలలు కంటున్న సమయంలోనూ కలలాగా ఈ మూవీ ఆఫర్ వచ్చిందంటూ విద్యుల్లేఖ చెప్పుకొచ్చింది. సంపూర్ణేశ్ బాబు పక్కన.. ఫుల్ లెంగ్త్ కామెడీ రోల్ అని విద్యుల్లేఖ తెలిపింది.