‘బిచ్చగాడు’ హీరో నెక్ట్స్ ‘ఇంద్రసేన’... చిరంజీవితో లాంచ్!

రాధిక కోరిక మేరకు

తనకు అత్యంత ఆప్తురాలైన, తనతో పాటు ఎన్నో చిత్రాల్లో నటించిన రాధిక శరత్ కుమార్ నిర్మాత కావడంతో..... ఫస్ట్ లుక్ పోస్టర్ రిలీజ్ చేయాలని కోరగానే చిరంజీవి వెంటనే ఒకే చెప్పారట.

ఇంద్రసేన

గతంలో చిరంజీవి నటించిన ‘ఇంద్ర' మూవీ ఎంత పెద్ద హిట్టయిందో అందరికీ తెలిసిందే. ఈ చిత్రంలో చిరంజీవి ఇంద్రసేనారెడ్డి పాత్రలో నటించారు. ఇపుడు విజయ్ ఆంటోనీ హీరోగా ‘ఇంద్రసేన' సినిమా వస్తుండటం, ఈ చిత్రం ఫస్ట్ లుక్ చిరంజీవి చేతుల మీదుగా రిలీజవుతుండటం చర్చనీయాంశం అయింది.

ద్విపాత్రాభినయం

ఈ చిత్రంలో విజయ్ ఆంటోనీ ద్విపాత్రాభినయం చేస్తున్నాడు. ఒక పాత్రలో తాగుబోతుగా, మరో పాత్రలో టీచర్ గా విజయ్ ఆంటోనీ కనిపించబోతున్నారు. ఈ చిత్రం షూటింగ్ పూర్తి చేసుకుని పోస్టు ప్రొడక్షన్ పనులు జరుపుకుంటోంది.

విజయ్ ఆంటోనీ ఎడిటింగ్

ఈ సినిమాకు ఎడిటింగ్ కూడా విజయ్ ఆంటోనీ చేస్తుండటం విశేషం. మ్యూజిక్ డైరెక్టర్ గా కోరీర్ మొదలు పెట్టి, తర్వాత హీరో, నిర్మాతగా తన సత్తా నిరూపించుకున్న విజయ్ ఆంటోనీ, ఇపుడు ఎడిటింగ్ లాంటివి చేస్తూ తాను ఆల్ రౌండర్ అని నిరూపించుకునే ప్రయత్నం చేస్తున్నాడు.