నా ఫోటో పెట్టుకుని గొడవలు పడుతున్నారు.. నాకు నచ్చడం లేదు.. విజయ్ దేవరకొండ!

మార్పుకు కారణం కావాలి

విజయ్ దేవరకొండ అభిమానులని ఉద్దేశించి తాజాగా ట్వీట్ చేశాడు. సినిమా విషయంలో కానీ, మన జీవన విధానంలో కాని మనం మార్పుకు కారణం కావాలి. సోషల్ మీడియాలో చెడు ప్రచారం దూరం చేయడానికి ఇదే సరైన సమయం అంటూ విజయ్ దేవరకొండ ప్రస్తావించాడు.

గొడవలు గమనిస్తున్నా

చాలా మంది నాపై అభిమానంతో సోషల్ మీడియాలో డీపీలుగా నా ఫోటోలు పెట్టుకుంటున్నారు. చాలా సంతోషం. నాపై అభిమానం ఉన్నవారు చాలామంది వేరే హీరోల అభిమానులతో సోషల్ మిడియా వేదికగా గొడవలు పెట్టుకుంటున్నారు.

నాకు ఇష్టం లేదు

అలా వాదులాడుకోవడం నాకు నచ్చదు. దయచేసి మీరు కూడా అలాంటి గొడవలకు దూరంగా ఉండండి అంటూ విజయ్ దేవరకొండ తన అభిమానులకు సూచించాడు. మనపనిలో మనం నిమగ్నమైతే అది సాధ్యమే అని విజయ్ దేవరకొండ వ్యాఖ్యానించాడు.

ఎవరైనా తిట్టినా కూడా

ఎవరైనా తిట్టినా కూడా వాళ్ళ మంచినే కాంక్షించండి. మీరు బాధపడాల్సిన అవసరం లేదు. మీ కోసం మంచి చిత్రాలు అందించడానికి ప్రయత్నిస్తాను. ఇకపై ఎలాంటి గొడవల్లో కనిపించకండి అంటూ విజయ్ దేవరకొండ అభిమానులకు సూచించాడు.