నా సినిమాల్లో మందు, సిగరెట్ ఉంటాయి... యూత్ చెడిపోతే మేము కారణం కాదు: విజయ్ దేవరకొండ

అది ఆయా వ్యక్తులపై ఆధారపడి ఉంటుంది

ఉదాహరణకు... నేను సినిమాలు చూస్తాను. నా ఫ్రెండ్ కూడా సినిమాలు చూస్తాడు. నా ఫ్రెండ్ అతడి ఫేవరెట్ యాక్టర్‌ను చూసి స్మోకింగ్ అలవాటు చేసుకున్నాడు. కానీ నా పేవరెట్ యాక్టర్ స్మోక్ చేస్తున్నా నేను దాన్ని అలవాటు చేసుకోలేదు. ఇన్‌ఫ్లూయెన్స్ అనేది పర్సనాలిటీ థింగ్. అది ఆయా వ్యక్తులపై ఆధారపడి ఉంటుందని విజయ్ దేవరకొండ తెలిపారు.

కొందరు అలా, కొందరు ఇలా...

కొంతమంది ఏ విషయానికైనా వెంటనే ఇన్‌ఫ్లూయెన్స్ అయిపోతారు. కొంత మంది తమ చుట్టూ ఎవరు ఏం చేసినా ప్రభావితం కారు. నేను మందు తాగుతాను, ఎప్పుడు తాగాలి, ఎంత తాగాలి, ఎప్పుడు తాగకూడదు అనేది నాకు తెలుసు. నాకు స్మోక్ చేయడం ఇష్టం ఉండదు, హెల్త్ రీజన్ కావొచ్చు, మరేదైనా కావొచ్చు.... అని విజయ్ చెప్పుకొచ్చారు.

సినిమాలు లేకున్నా ఇన్‌ఫ్లూయెన్స్ అవుతారు

సినిమాలు చూసి ఇన్‌ఫ్లూయెన్స్ అయ్యేవారు సినిమాలు లేకున్నా.. వాళ్ల కాలనీలో అన్నను చూసో, కాలేజీలో ఉండే సీనియర్ నుంచో, ఇలా రకరకాల వ్యక్తులు, పరిస్థితులను చూసి ఇన్‌ఫ్లూయెన్స్ అవుతారని విజయ్ చెప్పుకొచ్చారు.

అలా ఆలోచిస్తూ కూర్చుంటే సినిమాలు చేయలేం

ఇలా చేయడం వల్ల ప్రజలు ఎఫెక్ట్ అవుతారు, అలా చేయడం వల్ల యువత చెడిపోతారు అనే విషయాలు ఆలోచిస్తూ కూర్చుంటే మనం కథను చెప్పలేం. ఏదో ఒక వ్యక్తికి సంబంధించిన జీవితాన్ని సినిమాలో చూపించాల్సి ఉంటుంది. అది ఫిక్షనల్ కావొచ్చు, రియల్ కావొచ్చు... ఆ పాత్రను రియలిస్టిక్‌గా చూపించడం కోసం స్మోకింగ్, డ్రింకింగ్ లాంటి కూడా చూపించాల్సి ఉంటుంది. కొన్ని సినిమాల్లో పాత్రకు అలాంటి అలవాట్లు ఉండొచ్చు, ఉండకపోవచ్చని....విజయ్ వ్యాఖ్యానించారు.