అవసరమైన ప్రతీసారి మీరు వచ్చారు.. ఇప్పుడు కూడా మీరే నడిపించండి.. చిరుకు విజయ్ విన్నపం

ఫేక్ న్యూస్, వెబ్‌సైట్స్‌పై విజయ్ ఫైర్..

కరోనా లాంటి విపత్కర కాలంలో మధ్య తరగతికి చెందిన జనాలకు సాయం చేసేందుకు దేవరకొండ ఫౌండేషన్ ముందుకు వచ్చింది. ఈ మేరకు మిడిల్ క్లాస్ ఫండ్స్‌ను స్థాపించింది. దీని ద్వారా మిడిల్ క్లాస్ ఫ్యామీలీకి సాయం చేస్తున్నాడు. వీటిపై తప్పుగా వార్తలు రాస్తూ వక్రీకరించడంపై విజయ్ ఫైర్ అయ్యాడు.

కదిలిన టాలీవుడ్..

ఫేక్ న్యూస్ రాసిన సదరు వెబ్‌సైట్స్‌ను కట్టడి చేయాలని విజయ్ దేవరకొండ పిలుపునిచ్చాడు. ఈ మేరకు మహేష్ బాబు నుంచి అల్లరి నరేష్ వరకు ఎంతో మంది సెలెబ్రిటీలు విజయ్‌కు మద్దతుగా నిలిచారు. వంశీ పైడిపల్లి, కొరటాల శివ, శివ నిర్వాణ, మెహర్ రమేష్, రాశీ ఖన్నా, కాజల్, నాగబాబు, రానా, రవితేజ ఇలా ఎంతో మంది అండగా నిలిచారు.

స్పందించిన చిరు..

‘డియర్ విజయ్ మీ ఆవేదన నేను అర్ధం చేసుకోగలను.బాధ్యతలేని రాతల వల్ల,మీలా నేను నా కుటుంబం బాధపడిన సందర్భాలు చాలా ఉన్నాయి. మేము నీ వెంటే ఉంటాము.. ఏది ఏమైనా మంచి చేయాలనే నీ ఉద్దేశ్యాన్ని మాత్రం మార్చుకోకు. మీ వ్యక్తిగత ఉద్దేశ్యాలను వార్తలుగా రాయోద్దని జర్నలిస్ట్ మిత్రులను నేను సవినయంగా కోరుతున్నాను' అంటూ ట్వీట్ చేశాడు.

విజయ్ స్పందిస్తూ..

‘థ్యాంక్యూ చిరు సర్..నేను వచ్చి ఐదేళ్లే అవుతోంది.. ఈ 42 ఏళ్లలో మీకు ఎలాంటి పరిస్థితులు ఏర్పడ్డాయో ఊహించగలను. డాడీ మీకు జరిగిన సిట్యువేషన్స్ చెప్తుంటారు. మీరు అవన్నీ దాటి వాళ్లని క్షమించి.. ఇకా మమ్మల్ని గైడ్ చేస్తున్నారు. సలహాలుఇవ్వడంలో గానీ, మా సినిమా ప్రమోషన్స్‌లో గానీ, ఆశీర్వదించడంలో గానీ, సమస్యలను పరిష్కరించడంలో గానీ ఇలా మాకు అవసరం వచ్చిన ప్రతీసారి మీరు ఉన్నారు.. మీరు మాకు దిశా నిర్దేశం చేయాలని సినిమా పరిశ్రమ తరుపును మేమంతా కలిసి అడుగుతున్నామ'ని ట్వీట్ చేశాడు.