Liger IMDB Rating: IMDB రేటింగ్​లో రికార్డు క్రియేట్​ చేసిన లైగర్​ మూవీ..

బాలీవుడ్​ భామతో..

ఇక ఆ మూవీకి లైగర్​ అని టైటిల్​ డిక్లేర్​ చేయడం, అందులో లెజండరీ బాక్సర్​ మైక్​ టైసన్​ నటించడంతో విపరీతమైన క్రేజ్ వచ్చింది. అంతేకాకుండా ఇందులో బాలీవుడ్​ ముద్దుగుమ్మ అనన్య పాండే హీరోయిన్​ అనేసరికి అదనపు ఆకర్షణ తోడైంది.

అదిరిపోయిన రెస్పాన్స్..

వీటన్నింటితో పాటు సినిమా టీజర్​, పోస్టర్స్​, సాంగ్స్​, ట్రైలర్​ మరింత క్రేజ్​ తీసుకొచ్చాయి. ఇక ఈ సినిమా కోసం చేసిన ప్రమోషన్స్ గురించి ప్రత్యేకంగా చెప్పుకోనవసరం లేదు. విజయ్​ దేవరకొండ, అనన్య పాండే ఎక్కడికి వెళ్లిన అక్కడ రెస్పాన్స్ అదిరిపోయింది.

విజయ్ వ్యాఖ్యలు..

అలాగే వరంగల్​లో నిర్వహించిన ఫ్యాన్​డమ్​ ఈవెంట్​కు, గుంటూరులో జరిగిన ప్రీరిలీజ్​ ఈవెంట్​తో హైప్​ మరింత రెట్టింపైంది. ఈ ఈవెంట్​లో విజయ్​ దేవరకొండ చెప్పిన మాటలు అంతా త్వరగా ఎవరు మర్చిపోలేరు. ఆగస్టు 25న ఇండియా షేక్ కాబోతుందన్న విజయ్​ వ్యాఖ్యలతో సినిమా సూపర్ హిట్ అని టాక్​ నడిచింది.

పూరీనే డైరెక్ట్​ చేశాడా?

కానీ, ఆ అంచనాలన్నింటికి భిన్నంగా మిక్స్​డ్​ టాక్​ను సొంతం చేసుకుంది. పూరి మార్క్​ స్టైల్​లో సినిమా లేదని, అసలు మూవీని నిజంగా జగన్నాథ్ తెరకెక్కించాడా? ఇంకైవరికైనా అప్పజెప్పాడా? అని విమర్శలు చేశారు. ఎక్కడా మదర్​ సెంటిమెంట్​ వర్కౌట్ కాలేదని ఓపెన్​గా చెబుతున్నారు.

మౌత్​ టాక్​కు భిన్నంగా..

సినిమాలో ఎలాంటి కథ లేదని, స్క్రీన్​ ప్లే మరింత స్లోగా ఉందని పెదవి విరుస్తున్నారు. ఇదంతా ఇలా ఉంటే మౌత్​ టాక్​కు సంబంధం లేకుండా లైగర్ మొదటి రోజు ప్రపంచవ్యాప్తంగా రూ. 13.45 కోట్లను కలెక్ట్ చేసి ఆశ్చర్యపరిచింది.

దారుణమైన రైటింగ్​..

ఇక ఇదిలా ఉంటే ప్రముఖ సినిమా రేటింగ్ సంస్థ ఐఎమ్​డీబీ (ఇంటర్నెట్​ మూవీ డేటాబేస్​) లైగర్​ చిత్రానికి దారుణమైన రేటింగ్ ఇచ్చింది. లైగర్ మూవీకి 10కి కేవలం 1.7 రేటింగ్​ మాత్రమే ఇచ్చింది. ఇటీవల విడుదలై ఫ్లాప్​ టాక్ తెచ్చుకున్న లాల్​ సింగ్​ చద్ధాకు 5, రక్షా బంధన్​కు 4.6, దొబారాకు 2.9 రేటింగ్​ ఇచ్చింది. 2022లో విడుదలై అతి చెత్త రికార్డు మూట గట్టుకున్న చిత్రంగా లైగర్ రికార్డుకెక్కింది.