Don't Miss!
- Finance Insurance Company: ఈ శని, ఆదివారాలు తెరిచి ఉండనున్న బీమా కంపెనీలు..
- News జగన్ సీఎం కావాలని చెప్పుల్లేకుండా అభిమాని దీక్ష-స్వయంగా వెళ్లి విరమింపజేసిన వైనం..!
- Lifestyle సమ్మర్ బ్లాక్ బస్టర్ రిసిపి మ్యాంగో చికెన్ కర్రీ..!ఒక్కసారి రుచి చూస్తే మళ్లీ మళ్లీ తినాలనిపిస్తుంది
- Sports తలతిక్క నిర్ణయాలు: ఆ టీమ్కు అసలు సెన్స్ ఉందా: మాజీ లెజెండ్ ఫైర్
- Automobiles ముంబయి- అహ్మదాబాద్ బుల్లెట్ ట్రైన్ కోసం ‘బాలస్ట్లెస్' ట్రాక్.. దీని ప్రత్యేకతలు తెలుసా.??
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
Liger Movie: లైగర్కు ఫ్లాప్ టాక్ రావడానికి 5 ప్రధాన కారణాలు ఇవే..
టాలీవుడ్ డేరింగ్ అండ్ డ్యాషింగ్ డైరెక్టర్ పూరీ జగన్నాథ్ దర్శకత్వంలో రౌడీ హీరో విజయ్ దేవరకొండ ఫస్ట్ టైమ్ నటించిన చిత్రం లైగర్. ప్రముఖ బాలీవుడ్ సినీ నిర్మాణ సంస్థ ధర్మ ప్రొడక్షన్స్, పూరీ కనెక్ట్ బ్యానర్స్పై పూరీ జగన్నాథ్, ఛార్మీ, కరణ్ జోహర్ సంయుక్తంగా నిర్మించారు. ఈ సినిమా మిక్స్డ్ మార్షల్ ఆర్ట్స్ నేపథ్యంలో లైగర్ మూవీ తెరకెక్కిన విషయం తెలిసిందే. ఎన్నో అంచనాల మధ్య ఆగస్టు 25న వరల్డ్వైడ్గా తెలుగు, తమిళ, కన్నడ, మలయాళ, హిందీ భాషల్లో పాన్ ఇండియా సినిమాగా విడుదలైంది. అయితే అంచనాలకు భిన్నంగా లైగర్ ఫ్లాప్ టాక్ను మూటగట్టుకుంటోంది. అందుకు కారణాలేంటో ఓ లుక్కేద్దామా!
టాలీవుడ్లో మాస్ డైరెక్టర్ పూరి, క్రేజీ హీరోగా విజయ్ దేవరకొండ కాంబినేషన్లో ఓ మూవీ వస్తుందనగానే భారీ అంచనాలు ఏర్పడ్డాయి. ఇక ఆ మూవీకి లైగర్ అని టైటిల్ డిక్లేర్ చేయడం, అందులో లెజండరీ బాక్సర్ మైక్ టైసన్ నటించడంతో విపరీతమైన క్రేజ్ వచ్చింది. వాటికి తోడు సినిమా పోస్టర్లు, టీజర్, సాంగ్స్, ట్రైలర్ మరింత ఊపునిచ్చింది.
విపరీతమైన రెస్పాన్స్..
ఇక ఈ సినిమా కోసం చేసిన ప్రమోషన్స్ అంతా ఇంతా కాదు. ప్రమోషన్స్లో భాగంగా విజయ్ దేవరకొండ, అనన్య పాండే ఏ రాష్ట్రానికి వెళ్లిన విపరీతమైన రెస్పాన్స్ వచ్చింది. అలాగే ఫ్యాన్డమ్ ఈవెంట్కు, గుంటూరులోని ప్రీరిలీజ్ ఈవెంట్తో హైప్ మరింత పెరిగింది.
విజయ్ డైలాగ్లతో హడావిడి..
ఈ ఈవెంట్లలో ఆగస్టు 25న ఇండియా షేక్ కాబోతుంది విజయ్ దేవరకొండ చెప్పిన డైలాగ్లు గుర్తుండే ఉంటాయి. దీంతో విజయ్ దేవరకొండ ఇండియన్ బాక్సాఫీస్ను షేక్ చేయబోతున్నాడు అంటూ ఎంతో హడావిడి నడిచింది.
టాక్కు సంబంధం లేకుండా..
ఇక ఎట్టకేలకు భారీ అంచనాల మధ్య గురువారం ప్రేక్షకుల ముందుకు వచ్చిన లైగర్పై ఆడియెన్స్ పెదవి విరుస్తున్నారు. స్క్రీన్ప్లే స్లోగా ఉందని, అసలు కథే లేదని మొహం చాటేస్తున్నారు. అయితే టాక్కు సంబంధం లేకుండా తొలిరోజు వరల్డ్ వైడ్గా రూ. 13.45 కోట్లను వసూలు చేసింది లైగర్.
మైనస్గా తల్లి పాత్ర..
అయితే లైగర్ను ప్రేక్షకులు మెప్పించకపోవడానికి గల 5 కారణాలను ఏంటో చూద్దాం. మొదటగా విజయ్ తల్లి బాలమణి పాత్రలో రమ్యకృష్ణ నటించడం. రమ్యకృష్ణకు పవర్ఫుల్ రోల్ పడితే అదరగొట్టేస్తారు కానీ లైగర్లో ఆమె పాత్ర గోలగోలగా ఉందని టాక్ వినిపిస్తోంది. విజయ్ దేవరకొండతో మదర్ సెంటిమెంట్ సన్నివేశాలు అంతగా పండలేదని తెలుస్తోంది.
నత్తి పెట్టడంతోనే..
ఆమె పాత్రలో ఎమోషన్కు అంతగా కనెక్ట్ కాకుండా ఓవర్ డోస్ అయిందని వినిపిస్తోంది. రెండో కారణం ఏంటంటే.. విజయ్కు నత్తి పెట్టడం. అది అంతగా సెట్ కాలేదు. ఇటీవల సినిమాల్లో హీరోలకు ఏదైనా లోపం ఉంటే స్పెషల్ అట్రాక్షన్ అవుతోంది. అదే తరహాలో ఆలోచించిన పూరి విజయ్కు నత్తి పెట్టగా అది కాస్త బెడిసి కొట్టిందని అభిప్రాయం వ్యక్తం అవుతోంది.
ఆకట్టుకోని లవ్ ట్రాక్..
అయితే విజయ్ నత్తితో మాట్లాడటం ట్రైలర్లో బాగానే ఉంది గానీ థియేటర్లో మాత్రం వర్కౌట్ కాలేదు. ఇక మూడో కారణం.. హీరోయిన్ అనన్య పాండే. సహజంగానే పూరి సిననిమాల్లో హీరోయిన్ల నుంచి రొమాన్స్, సాంగ్స్ తప్ప ఏం ఆశించలేం. అయితే వీళ్లిద్దరి లవ్ ట్రాక్ కనీసం మూవీని నడిపించే విధంగా లేకపోవడంతో మైనస్గా మారింది. ఈ సినిమాకు హీరోయిన్ సీన్స్ ప్రధాన మైనస్గా చెప్పుకుంటున్నారు.
వర్కౌట్ కానీ మ్యూజిక్..
లైగర్కు పరాజయానికి నాలుగో కారణంగా మ్యూజిక్ అని అంటున్నారు. ఒకటి రెండు పాటలు తప్ప మిగతావి అంతగా ఆకట్టుకోలేదు. అవి కూడా రిపీటెడ్గా వినేంతగా లేవు. ఈ మూవీకి సునీల్ కశ్యప్, విక్రమ్ సహా పలువురు మ్యూజిక్ డైరెక్టర్స్ పనిచేశారు. వారు అందించిన బీజీఎం అంతగా ఆకట్టుకోలేదని కామెంట్స్ వస్తున్నాయి.
పెరిగిన హైప్..
ఇక చివరిగా చెప్పుకునే ఐదో కారణం సినిమాకు వచ్చిన హైప్. ఈ సినిమాకు ఊహించని విధంగా దేశవ్యాప్తంగా విపరీతమైన క్రేజ్ పెరిగింది. మళ్లీ ఈ మూవీలో లెజండరీ బాక్సర్ మైక్ టైసన్ నటించడం, ప్రమోషనల్స్లో భాగగా విజయ్ను బోల్డ్గా చూపించడం (విజయ్ దేవరకొండ నగ్నంగా ఉండే పిక్)తో మరింత హైప్ క్రియేట్ అయింది.