Indian Idol షణ్ముఖ ప్రియకు లైగర్ ఆఫర్.. ఇచ్చిన మాటను నిలబెట్టుకున్న విజయ్ దేవరకొండ

ఫైనల్స్ వరకు వెళ్లి..

ఇంతవరకు ఇండియన్ ఐడల్ హిస్టరీలో గ్రాండ్ ఫైనల్స్ వరకు తెలుగు ఫీమేల్ సింగర్స్ లలో ఎవరు చేరుకోలేదు. ఇక ఆ రేర్ ఫీట్ ను అతి చిన్న వయసులోనే షణ్ముఖ ప్రియ సాధించింది. అగ్ర గాయకులతో పోటీగా నిలవడం ప్రశంసించాల్సిన విషయం అని చెప్పవచ్చు. షణ్ముఖ ప్రియ గెలిచి తీరాలని చాలామంది అభిమానులు కోరుకున్నారు. కానీ తుది సమరంలో ఆమె టైటిల్ ను సాధించలేకపోయింది.

గెలిచినా గెలవకపోయినా..

ఇక షణ్ముఖ ప్రియ గ్రాండ్ ఫైనల్స్ కు చేరుకున్న సమయంలో విజయ్ దేవరకొండ షణ్ముఖ ప్రియ కోసం ఒక ప్రత్యేకమైన వీడియోను కూడా పంపించాడు. నువ్వు గెలిచినా గెలవకపోయినా కూడా హైదరాబాద్ కు రాగానే నేను నిన్ను కలుస్తాను అని చెప్పాడు. అంతే కాకుండా నా సినిమాలో పాట కూడా పాడతావు అంటూ ముందుగానే హామీ ఇచ్చేశాడు.

తెలుగు సంప్రదాయ పద్దతిలో

ఇక వాగ్దానం ఇచ్చినట్లుగానే విజయ్ దేవరకొండ షణ్ముఖ ప్రియకు మంచి అవకాశం ఇచ్చాడు. పూరి జగన్నాథ్ దర్శకత్వంలో తెరకెక్కుతున్న లైగర్ సినిమాలో ఆమెకు పాడే అవకాశం కల్పించారు. ముందుగా ఇంటికి రాగానే విజయ్ దేవరకొండ తల్లి షణ్ముఖ ప్రియను అలాగే తన తల్లిని రిసీవ్ చేసుకున్నారు. అంతే కాకుండా తెలుగు సంప్రదాయ పద్దతిలో వారిని మర్యాదపూర్వకంగా గౌరవించారు.

లైగర్ సినిమాలో సింగింగ్..

ఇక షణ్ముఖ ప్రియతో మాట్లాడిన విజయ్ దేవరకొండ ఆమెను ఆప్యాయంగా హద్దుకున్నాడు. షణ్ముఖ కూడా ఫ్యాన్ మూమెంట్ ను బాగా ఎంజాయ్ చేసింది. మొదట ఏ పాట పాడించాలా అని నేను పూరి జగన్నాథ్ గారు నీ గత వీడియోలు చాలా చూశాము అని విజయ్, షణ్ముఖకు వివరణ ఇచ్చారు. ఇక సాంగ్ కూడా చాలా బాగా వచ్చిందని ఫైనల్ మిక్సింగ్ అయిపోగానే మరోసారి వింటాను అని కూడా దేవరకొండ క్లారిటీ ఇచ్చాడు. మరి సినిమాలో ఆ సాంగ్ ఏ స్థాయిలో క్లిక్కవుతుందో చూడాలి.

Recommended Video

Harbhajan Singh లో ఇంత గొప్ప సింగర్ ఉన్నాడా.. రోజా మూవీ లో పాట పాడిన బజ్జీ

లైగర్ రిలీజ్ ఎప్పుడంటే?

ఇక లైగర్ సినిమా విషయానికి వస్తే మొదటిసారి పూరి జగన్నాథ్ విజయ్ దేవరకొండ ఇద్దరు కూడా ఈ ప్రపంచంలోకి అడుగు పెట్టబోతున్నారు. ఈ సినిమా బాక్సింగ్ నేపథ్యంలో తెరకెక్కుతోంది. కరణ్ జోహార్ ఈ సినిమాని పూరి జగన్నాథ్ తో కలిసి సంయుక్తంగా భారీ బడ్జెట్ తో నిర్మిస్తున్నారు. చార్మి కూడా సహా నిర్మాతగా వ్యవహరిస్తున్న విషయం తెలిసిందే.

ఇక ఈ సినిమా షూటింగ్ దాదాపు 70 శాతం పూర్తయ్యింది. ఇక మిగతా షూటింగ్ ను వీలైనంత త్వరగా పూర్తి చేసి ఇదే ఏడాది ప్రేక్షకుల ముందుకు తీసుకురావాలని అనుకున్నారు. కానీ కరోనా పరిస్థితుల కారణంగా అనుకూలించకపోవడంతో వచ్చే ఏడాది సమ్మర్ లోనే లేదా ఆ తరువాత రిలీజ్ చేసే అవకాశం ఉన్నట్లు తెలుస్తోంది.