పెళ్లి చూపులు హీరో... ప్రేమకులరోజు ఏం చేసాడో చూడండి (అర్జున్ రెడ్డి టీజర్ )

విజయ్ దేవర కొండ త్వరలో ‘అర్జున్ రెడ్డి’ అనే సినిమా ద్వారా ప్రేక్షకుల ముందుకు రాబోతున్నాడు. ప్రేమికుల రోజు సందర్భంగా ఈ చిత్రానికి సంబంధించిన టీజర్ రిలీజ్ చేసారు

By Bojja Kumar

Published: Tuesday, February 14, 2017, 12:57 [IST]

హైదరాబాద్: 'పెళ్లి చూపులు' సినిమా ద్వారా తనకంటూ ప్రత్యేక గుర్తింపు తెచ్చుకున్న విజయ్ దేవర కొండ త్వరలో 'అర్జున్ రెడ్డి' అనే సినిమా ద్వారా ప్రేక్షకుల ముందుకు రాబోతున్నాడు. భ్రదకాళి పిక్చర్స్ బ్యానర్‌పై సందీప్ దర్శకత్వంలో ప్రణయ్ నిర్మాతగా ఈ చిత్రాన్ని నిర్మిస్తున్నాడు. షాలిని హీరోయిన్ గా నటిస్తుంది.

న్యూఇయర్ సందర్భంగా ఈ చిత్రానికి సంబంధించిన కొత్త పోస్టర్ రిలీజ్ చేయగా మంచి స్పందన వచ్చింది. హీరో హీరోయిన్ ముద్దు సీన్ తో ఈ పోస్టర్ ఉండటం విశేషం. తాజాగా ప్రేమికుల రోజు సందర్భంగా ఈ చిత్రానికి సంబంధించిన టీజర్ రిలీజ్ చేసారు.

అర్జున్ రెడ్డి టీజర్

షాకింగ్ సీన్లు

డిఫరెంట్ లవ్ అండ్ యాక్షన్ స్టోరీ తో రూపొందనున్న ఈ చిత్రం ప్రస్తుతం చిత్రీకరణ దశలో ఉంది. సినిమా ఫస్ట్ లుక్, టీజర్... ఇలా అన్నింటిలోనూ తెలుగు ప్రేక్షకలు ఊహించని సీన్లు ఉండటంతో ఈచిత్రం హాట్ టాపిక్ అవుతోంది.

ముద్దు సీన్ ప్రాక్టీస్

ఈ చిత్రాన్ని హైదరాబాద్, మంగళూర్, డెహ్రడూన్, ఢిల్లీతో పాటు ఇటలీలో చిత్రీకరణ చేస్తున్నారు. చిత్రానికి యువ సంగీత దర్శకుడు రధన్ సంగీతాన్ని అందిస్తుండగా, నగేష్ బన్నేల్ సినిమాటోగ్రఫీ అందిస్తున్నారు.

అంచనాలు భారీగానే

ఈ సినిమాపై అంచనాలు భారీగానే ఉన్నాయి. పెళ్లి చూపులు సినిమా హిట్ కావడంతో విజయ్ దేవరకొండ సినిమాపై అంచనాలు ఓ రేంజిలో ఉన్నాయి. దీంతో పాటు అర్జున్ రెడ్డి పోస్టర్, టీజర్ ఆసక్తికరంగా ఉండటం కూడా సినిమాకు ప్లస్.