బాసూ మీరు సూపర్: విజయ్ దేవరకొండ, సంపూర్ణేష్ బాబు గొప్ప మనసుపై ప్రశంసలు!

Published: Monday, October 15, 2018, 11:19 [IST]

టాలీవుడ్ రౌడీ స్టార్ విజయ్ దేవరకొండ మరోసారి తన పెద్ద మనసు చాటుకున్నారు. . తిత్లీ తుపాన్ కారణంగా తీవ్రంగా నష్టపోయిన శ్రీకాకుళం జిల్లాను ఆదుకునేందుకు తనవంతు సాహాయం అందించారు. ముఖ్యమంత్రి సహాయనిధికి రూ.5 లక్షలు విరాళం ఇచ్చారు. సంపూర్ణేష్ బాబు సైతం రూ. 50 వేల సహాయం అందించారు.

ప్రస్తుతం లేహ్‌లో హాలిడే ఎంజాయ్ చేస్తున్న విజయ్ దేవరకొండ.... తిత్లీ తుపాన్ గురించి తెలుసుకుని వెంటనే స్పందించారు. అభిమానులు కూడా తమ వంతు సహాయం అందించడానికి ముందుకు రావాలంటూ పిలుపునిచ్చారు.

విజయ్ దేవరకొండ ట్వీట్

రూ. 5 లక్షల విరాళం అందించిన అనంతరం.... అభిమానులను సైతం ఇందులో భాగం కావాలని కోరుతూ విజయ్ దేవరకొండ ట్వీట్. గతంలో కేరళ వరద బాధితుల కోసం కూడా విజయ్ అందరి కంటే ముందు రియాక్ట్ అయిన సంగతి తెలిసిందే.

అందరి కంటే ముందుగా సంపూ

తిత్లీ విషయంలో అందరి కంటే ముందుగా సంపూర్ణేష్ బాబు రియాక్ట్ అయ్యారు. శ్రీకాకుళం జిల్లా తిత్లి తుఫాన్ వల్ల చాలా నష్టం జరిగింది అని స్నేహితుల ద్వారా తెలుసుకున్నాను.....వెంటనే మన వంతు సాయంగా చర్యలు చేపట్టాలని అన్ని వర్గాల ప్రజలను కోరుకుంటున్నాను. నా వంతుగా Rs.50,000/- ఆర్థిక సాయం ముఖ్యమంత్రి గారి సహాయనిధి కి అందజేస్తాను... అని ప్రకటించారు.

ఈ ఇద్దరు స్టార్లపై ప్రశంసల వెల్లువ

తిత్లి తుఫాన్ నేపథ్యంలో.... తెలుగు వారికి సహాయం చేయడంలో ఏ మాత్రం ఆలస్యం చేయకుండా వెంటనే రియాక్ట్ అవ్వడంతో పాటు విరాళం అందించిన ఈ ఇద్దరు స్టార్లపై ప్రశంసలు వెల్లువెత్తుతున్నాయి.