నా సినిమాలేవీ సరిగ్గా విడుదల కావు.. కేసులు పెడుతున్నారు.. విజయ్ దేవరకొండ!

నా సినిమాలు ఎప్పుడూ అంతే

విజయ్ దేవరకొండ తన ప్రసంగాన్ని ఆరంభిస్తూ ఆసక్తికర వ్యాఖ్యలు చేశాడు. నా సినిమాల విడుదలకు ఎప్పుడూ తిప్పలు తప్పవు అంటూ వివాదాల గురించి ప్రస్తవించాడు. అర్జున్ రెడ్డి చిత్రం విడుదలకు ముందు వివాదం కాగా, గీత గోవిందం చిత్రం విడుదలకు ముందే పైరసీ జరిగిన సంగతి తెలిసిందే.

రాద్ధాంతం

నోటా చిత్రం విషయంలో కొంతమంది అనవసరంగా రాద్ధాంతం చేస్తున్నారని విజయ్ దేవరకొండ అభిప్రాయపడ్డారు. ఎన్నికలు దగ్గర పడుతుండడంతో ఈ చిత్ర ప్రభావం ఉంటుందని అంటున్నారు. ప్రజలు నోటాకు ఓటు వేసే అవకాశాలు ఉన్నాయని ఈ చిత్రాన్ని ఆపాలని చూస్తున్నారని విజయ్ దేవరకొండ తెలిపాడు.

కేసులు పెడుతున్నారు

ఈ సినిమా తెలంగాణాలో ఓ పార్టీకి అనుకూలంగా ఉందని కూడా కొందరు కోర్టులో ఫిటిషన్ లు దాఖలు చేస్తున్నారని విజయ్ దేవరకొండ తెలిపాడు. కానీ వారనుకునట్లుగా ఈ చిత్రంలో అలాంటి విషయాలు ఏవీ లేవు. నోటాకు ఓటేయమని ఈ చిత్రంలో చెప్పడం లేదు అంటూ విజయ్ దేవరకొండ తెలిపాడు.

కక్కుర్తి పడవద్దు

విజయ్ దేవరకొండ తనదైన శైలిలో ప్రసంగాన్ని ముగించాడు. ఆడియన్స్ అందరి చేత ప్రమాణం చేయించాడు. ఎన్నికల్లో 2000, 3000 లకు కక్కుర్తి పడకుండా ఓటేయాలని కోరడం విశేషం. నోటా చిత్రం అక్టోబర్ 5 న విడుదల కాబోతోంది. ఈ చిత్రంలో విజయ్ దేవరకొండ రాజకీయ నాయకుడి పాత్రలో, ముఖ్యమంత్రిగా కనిపించబోతున్నాడు.