Don't Miss!
- News బీజేపీలో చేరిన నల్లమిల్లి రామకృష్ణా రెడ్డి: ఆ నియోజకవర్గం నుంచే పోటీ
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
నా రెమ్యూనరేషన్ అంతే.... అవార్డ్ అమ్మేసిన విజయ్ దేవరకొండ, ఎంతకు కొన్నారంటే?
Recommended Video
'అర్జున్ రెడ్డి' సినిమాకుగాను యంగ్ హీరో విజయ్ దేవరకొండ 65వ సౌత్ ఫిల్మ్ఫేర్ వేడుకలో ఉత్తమ నటుడు అవార్డ్ గెలుచుకున్న సంగతి తెలిసిందే. జీవితంలో అందుకున్న తొలి వార్డుతో ఏదైనా మంచి పని చేయాలని నిర్ణయించుకున్న విజయ్ దాన్ని వేలం వేయాలని, తద్వారా వచ్చిన డబ్బును సీఎం రిలీఫ్ ఫండ్ కోసం ఇవ్వాలని నిర్ణయించున్నారు. విజయ్ నిర్ణయంపై తెలంగాణ మంత్రి కేటీఆర్ సైతం స్పందిస్తూ అభినందించిన సంగతి తెలిసిందే. తాజాగా విజయ్ ఫిల్మ్ ఫేర్ అవార్డు భారీ రేటుకు అమ్ముడు పోయింది.
రూ. 25 లక్షలకు కొనుగోలు దివి ల్యాబొరేటరీస్
విజయ్ దేవరకొండ ‘ఫిల్మ్ ఫేర్' అవార్డును వేలానికి పెట్టగా దివి ల్యాబొరేటరీస్ సొంతం చేసుకుంది. వారు దీన్ని రూ. 25లక్షలకు దక్కించుకున్నారు. ఈ మేరకు ఆ సంస్థ అధినేత శకుంతలదేవి విజయ్ దేవరకొండకు చెక్ అందజేశారు.
సీఎం రిలీఫ్ ఫండ్ కోసం...
అవార్డు అమ్మడం ద్వారా వచ్చిన రూ. 25 లక్షలను విజయ్ దేవరకొండ సీఎం రిలీఫ్ ఫండ్ కోసం అందజేశారు. ఆదివారం రౌడీ పేరుతో తన సొంత దుస్తుల బ్రాండ్ లాంచ్ చేసిన సందర్బంగా విజయ్ దేవరకొండ ఈ విషయాన్ని వెల్లడించారు.
అంత వస్తుందనుకోలేదు, అర్జున్ రెడ్డి పారితోషికం ఇంకా తక్కువే
‘నా అవార్డు అసలు ఎవరైనా కొంటారా, కొంటే ఎంతకు కొంటారు? అనుకున్నా. ప్రతి నటుడికి ఫిల్మ్ఫేర్ చాలా ముఖ్యం. వేలం పెట్టా, చాలా మంది ముందుకు వచ్చారు. వారు నాకు ఫోన్ చేసి.. ఎంత ఊహిస్తున్నారు? అని అడిగేవారు. రూ.5 లక్షలు అని చెప్పేవాడిని. ఎందుకంటే ‘అర్జున్రెడ్డి' సినిమాకు సైన్ చేసినపుడు నేను తీసుకున్న పారితోషికం అది. ఆ తర్వాత లాభాల్లో షేర్ ఇచ్చారు. రూ. 25 లక్షలకు దివి లాబొరేటరీస్ వారు అవార్డు కొన్న తర్వాత... దాన్ని నా దగ్గరే పెట్టుకోమని శకుంతలాదేవి చెప్పారు. కానీ, వద్దు అన్నాను' అని విజయ్ పేర్కొన్నారు.
ఎవరూ చేయని పని చేసిన విజయ్
నటీనటుల జీవితంలో అవార్డులకు ప్రత్యేక స్థానం ఉంటుంది. అందులోనూ మొదటి అవార్డ్ అంటే మరింత ప్రత్యేకం. కానీ విజయ్ తీసుకున్న నిర్ణయం చాలా గొప్పగా ఉంది అంటూ జూహి చావ్లా, రిచా చద్దా, శిఖ తలసానియా లాంటి వారు సైతం ప్రశంసించారు.
ఈ ఆలోచన ఎలా వచ్చింది?
విజయ్ దేవరకొండ అవార్డు అందుకున్న అనంతరం మంత్రి కేటీఆర్ స్పందిస్తూ బాగానే సంపాదిస్తున్నావ్... ఈ అవార్డును మాకి ఇచ్చేయచ్చు కదా? అని సరదగా అన్నారట. ఆయన మాటను సీరియస్గా తీసుకున్న విజయ్ దాన్ని వేలం వేయాలని నిర్ణయించుకున్నాడు.