For Quick Alerts
    ALLOW NOTIFICATIONS  
    For Daily Alerts

    వరల్డ్ ఫేమస్ లవర్ ప్రేమకథల్లో అదే ఆసక్తికరం: విజయ్ దేవరకొండ

    |

    టాలీవుడ్ రౌడీ స్టార్ విజయ్ దేవరకొండ లేటెస్ట్ మూవీ 'వరల్డ్ ఫేమస్ లవర్'. ఫిబ్రవరి 14న భారీ అంచనాల నడుమ ఈ సినిమా విడుదల కానుంది. ఈ నేపథ్యంలో తాజాగా జరిగిన ఓ ఇంటర్వ్యూలో 'వరల్డ్ ఫేమస్ లవర్' మూవీ విశేషాలు, ఆసక్తికర సన్నివేశాల గురించి చెప్పారు.

    ఈ సినిమాలోని ప్రేమకథల్లో ఇల్లందు నేపథ్యంలో తనకు, హీరోయిన్ ఐశ్వర్యా రాజేశ్‌కు మధ్య వచ్చే ప్రేమకథ ఆసక్తిగా ఉంటుందని చెప్పారు విజయ్. చదువుకోని భార్యా భర్తల కాపురం నేపథ్యంలో వచ్చే ఆ సన్నివేశాలు ఆకట్టుకుంటాయని అన్నారు. కుటుంబ బాధ్యతలతో డబ్బుకు విలువిచ్చే యువకుడిగా ఆ పాత్రలో కనిపిస్తానని చెప్పారు విజయ్ దేవరకొండ. అందుకు భిన్నంగా ఫ్రాన్స్‌ నేపథ్యంలో వచ్చే ప్రేమకథలో కనిపిస్తానని, విదేశీ పైలట్‌ను ప్రేమిస్తూ.. డబ్బుకు విలువ ఇవ్వని యువకుడిగా ఆ రోల్ ఉంటుందని అన్నారు. రాశీ ఖన్నాకు, తనకు మధ్య ప్రేమకథలో తన పాత్ర కొంచెం 'అర్జున్‌రెడ్డి'ని తలపిస్తుందని చెప్పారు.

     Vijay Deverakonda reacts on World Famous Lover charecters

    ''ఇల్లందు నేపథ్యంలో వచ్చే కథలో శీనయ్యపాత్రను మా నాన్న స్ఫూర్తితో చేశా. ఆ పాత్రలో నటిస్తునపుడు.. నా చిన్నతనంలో నాన్న లుంగీ కట్టుకునే తీరు, హావభావాలు, మాట్లాడే తీరు లాంటివి గుర్తు చేసుకున్నా. సెట్‌లో తొలి షాట్‌ చేసేటప్పుడు కొంచెం కష్టపడ్డా కానీ ఆ తర్వాత ఈజీగా చేసేశా'' అని విజయ్ దేవరకొండ పేర్కొన్నారు.

    కె.ఎస్‌. రామారావు సమర్పణలో 'వరల్డ్‌ ఫేమస్‌ లవర్‌' తెరకెక్కింది. కె.ఎ. వల్లభ నిర్మించిన ఈ చిత్రానికి క్రాంతిమాధవ్‌ దర్శకత్వం వహించారు. వాలంటైన్స్ డే కానుకగా ప్రేక్షకుల ముందుకు రాబోతున్న ఈ చిత్రంలో విజయ్ సరసన నలుగురు అందాల భామలు రాశి ఖన్నా, ఇసాబెల్లా, క్యాథెరిన్ ట్రెస్సా, ఐశ్వర్య రాజేష్ నటించారు.

    English summary
    Rowdy star Vijay Deverakonda present movie World Famous Lover updates goes viral on social media. In movie promotions Vijay Deverakonda says about World Famous Lover charecters.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X