అరేయ్.. ఆ భాష ఏందిరా.. విజయ్‌ దేవరకొండకు నెటిజన్ల ఝలక్.. అసలేమైందంటే..

సావిత్రి గురించి విజయ్ కామెంట్

సావిత్రి బయోపిక్ సంబంధించి సావిత్రి పాత్రలో నటించిన పోస్టర్‌ను విజయ్ దేవర కొండ తన ట్విట్టర్‌ అకౌంట్‌లో పోస్ట్ చేశారు. ఆ ఫోటోపైన వాట్ ఏ కూల్ చిక్ అంటూ కామెంట్ పెట్టారు. దాంతో ఆయనపై నెటిజన్లు గరం అయ్యారు.

నెటిజన్ల ఫైర్

చిక్ ఏందిరా అరేయ్.. సీనియర్లను కొంచమైనా గౌరవించే సంస్కారం నేర్చుకో అంటూ కామెంట్లు వదిలాడు. మరో నెటిజన్.. నీవు ఉపయోగించిన పదం చాలా దారుణంగా ఉంది అని కామెంట్ పెట్టాడు.

నువ్వంటే అసహ్యం

ఇప్పటి వరకు నీకు నేను బిగ్ ఫ్యాన్‌ను. కానీ ఈ క్షణం నుంచి నువ్వంటే అసహ్యం. అంతటి మహానటిని పట్టుకొని చిక్ అంటావా?.. సిగ్గుచేటు. సినీ చరిత్రలో ఆమె గొప్ప నటి. రెండు సినిమాలతో పాపులర్ అయిన నీవు ఆమెను అగౌరవంగా సంబంధించడం సరికాదు అని మరో వ్యక్తి పేర్కొన్నాడు.

నెటిజన్లకు విజయ్ దేవరకొండ జవాబు

నెటిజన్లు విరుచుకుపడుతుండటంతో విజయ్ స్పందించాడు. ఎవరైతే క్షమాపణలు కోరుతున్నారో, వారందరూ నేను ఉన్న చెన్నైలోని లీలా ప్యాలెస్‌కు వచ్చేయండి. మహనటి ఆడియో లాంచ్ కార్యక్రమానికి పాసులు ఇస్తాను. మీరందరు వస్తే చాలా ఆమె ఆత్మ సంతోషపడుతుంది. అప్పుడు మీ లాంటి నిజాయితీ, విలువలతో కూడిన మిమ్మల్ని అల్కాహాలిక్ బ్రేకర్స్ అంటుంది అని విజయ్ ట్వీట్ చేశారు.

సావిత్రి గారికి భయమంటే..

సావిత్రి గారికి భయమంటే తెలియదు. స్వచ్ఛంద సేవకురాలు. దయార్ధహృదయులు. అమెకు కలలను సాకారం చేసుకొనే యువతి, ప్రేమ కోసం ప్రేమించే వ్యక్తిగా ఇష్టపడుతుంది. ఆ తర్వాతే ఆమె సూపర్‌స్టార్ అని విజయ్ ట్వీట్ చేశారు.

అప్లై చేసుకోండి జాబ్ ఇస్తా

ఎవరైనా నా ట్వీట్‌ను తప్పుపట్టి.. నా పోస్టులను సరిగా, బాగా రాయాలనుకొనే వారు.. ఆ పోస్టుకు [email protected]కు రెస్యూమ్‌తో దరఖాస్తు చేసుకోండి. ఆ విధంగా మీకు జాబ్‌ కూడా లభిస్తుంది అని మరో ట్విట్‌లో విజయ్ పేర్కొన్నారు.