Click it and Unblock the Notifications
క్రేజ్ కోసం: కుమారుడి చిత్రంలో గెస్ట్ గా...
చెన్నై : మగధీర చిత్రంలో చిరంజీవి గెస్ట్ గా కనిపించి తన మెగాభిమానులను అలరించన సంగతి తెలిసిందే. ఇప్పుడు అదే రూటులో విజయ్ కాంత్ కూడా ప్రయాణం పెట్టుకున్నారు. విజయకాంత్ కుమారుడు షణ్ముగపాండియన్ హీరోగా నటిస్తున్న తాజా చిత్రం 'శతాబ్దం'. ఈ చిత్రంలో గెస్ట్ రోల్ లో కనిపించనున్నారు. విజయకాంత్ చాలా కాలంగా వెండితెరకు పూర్తి దూరంగా ఉండి రాజకీయాల్లో బిజీగా ఉన్నారు. అయితే చిరకాలం తర్వాత ఆయన పాత్ర చేయనుండటంతో ఆ క్రేజ్ తప్పకుండా సినిమాకు యాడ్ అవుతుందని దర్శక,నిర్మాతలు భావిస్తున్నారు.
సింగంపులి, జగన్, పవర్స్టార్ శ్రీనివాసన్, తలైవాసల్ విజయ్ తదితరులు నటిస్తున్నారు. ఈ సినిమాలో శింబు ఒక పాట కూడా పాడారు. చిత్రంలో విజయ్కాంత్ గెస్ట్రోల్ను పోషించనున్నట్లు సమాచారం. తన కుమారుడి పరిచయ చిత్రంలో పవర్ఫుల్ పాత్రలో కనిపించనున్నారట కెప్టెన్. యాక్షన్ ప్రియులను ఆకట్టుకునే రీతిలో ఈ సినిమాను రూపొందిస్తున్నట్లు సమాచారం. కార్తీక్రాజా సంగీతం అందిస్తున్నారు.
ఇక ఈ చిత్రాన్ని విజయకాంత్ ఆయన బావమరిది ఎల్కే సుధీష్ నిర్మిస్తున్నారు. తొలి షెడ్యూల్ చిత్రీకరణ పొల్లాచ్చి, ఆలియర్డ్యాం, వాల్పారై, ఆనైమలై ప్రాంతాల్లో తెరకెక్కించారు. తర్వాత కుంభకోణంలో 20 రోజుల పాటు చిత్రీకరించారు.
అక్కడ రూ.కోటితో భారీ సెట్ వేసి ఆరు రోజులపాటు ఓ పాటను తెరకెక్కించారు. ఇందులో షణ్ముగపాండియన్, నేహా నటించారు. ప్రస్తుతం మూడో షెడ్యూల్ చిత్రీకరణ మలేషియాలో జరుగుతోంది. కౌలాలంపూర్, లంగావి, బ్యాంకాక్లో 35 రోజులపాటు చిత్రీకరించనున్నారు. మిస్ఇండియా నేహా, బెంగళూరు మోడల్ శుబ్ర అయ్యప్ప హీరోయిన్స్ గా పరిచయమవుతున్నారు.
Continue with Google