మెగాస్టార్ చిరు కుడి భుజం ఎవరో తెలిసిపోయింది.. సైరా సీక్రెట్స్!

ప్రముఖ నటులంతా

సైరా చిత్రంలో బాలీవుడ్ మెగాస్టార్ అమితాబ్ బచ్చన్, తమిళ నటుడు విజయ్ సేతుపతి, కిచ్చా సుదీప్, జగపతి బాబు, తమన్నా, ప్రగ్య జైస్వాల్ కీలక పాత్రల్లో నటిస్తున్నారు. నయనతార హీరోయిన్ గా నటిస్తోంది.

షూటింగ్ దశలోనే

టైటిల్, నటీనటులు మినహా సైరా గురించి అభిమానులకు ఎలాంటి విషయాలు తెలియవు. కానీ ఇటీవల లీకైన యుద్ధ సన్నివేశాలకు సబంధించిన స్టిల్స్ వైరల్ అయ్యాయి. అభిమానుల్లో సైరా పోరాటాలు హాట్ టాపిక్ గా మారాయి. షూటింగ్ దశలోనే ఇంతలా సైరా గురించి ఫ్యాన్స్ చర్చించుకుంటున్నారు.

సైరా కుడిభుజం

మెగాస్టార్ సైరా చిత్రంలో విజయ్ సేతుపతి నటిస్తున్న పాత్ర వివరాలు బయట పడ్డాయి. తన పాత్ర గురించి విజయ్ సేతుపతే ఓ ఇంటర్వ్యూలో వివరించాడు. ఈ చిత్రంలో తాను తమిళం మాట్లాడే వ్యక్తిగా సైరా అనుచరుడిగా నటిస్తానని తెలిపాడు. తనది సైరాకు కుడి భుజం లాంటి పాత్ర అని తెలిపాడు.

స్వాతంత్ర పోరాటం

స్వాతంత్ర పోరాటంలో సైరా తెలుగు వారిని, తమిళులని ఏకం చేసే ప్రయత్నం చేస్తాడు. ఆ ప్రయత్నంలో తమిళుడిగా తాను సైరాకు సహకరిస్తానని విజయ్ సేతుపతి వివరించాడు. విజయ్ సేతుపతి పాత్ర పేరు ఓబయ్యగా ప్రచారం జరుగుతోంది.