ఉప్పెనలా రాబోతున్న విజయ్ సేతుపతి.. సమ్మర్ లోనే 4 సినిమాలు!

సౌత్ ఇండియాలోనే కాకుండా నేషనల్ వైడ్ గా కూడా ఎక్కువగా బిజీగా ఉండే అతికొద్ది మంది నటీనటులలో విజయ్ సేతుపతి ఒకరు. ఆయన ఎలాంటి సినిమా చేసినా కూడా ఓ వర్గం ఆడియెన్స్ లో అంచనాలు భారీ స్థాయిలో క్రియేట్ అవ్వడం కామన్. సేతుపతి ఒక సినిమాలో ఉన్నాడు అంటే అందులో ఎదో ఒక కొత్త పాయింట్ ఉంటుందని చెప్పవచ్చు. ఆ విధంగా జనాల్లో ఒక నమ్మకాన్ని పెంచుకున్నాడు.

ఇక సినిమాలో ఎన్ని మైనెస్ లు ఉన్నా కూడా విజయ్ సేతుపతి తన నటనతోనే బజ్ క్రియేట్ చేయడం పక్కా. ఇప్పటికే 2021లో మాస్టర్, ఉప్పెన సినిమాలతో బాక్సాఫీస్ హిట్స్ అందుకున్న ఈ యాక్టర్ మరిన్ని డిఫరెంట్ సినిమాలను వదలబోతున్నాడు.
సమ్మర్ లోనే 4 సినిమాలు విడుదల కాబోతున్నట్లు తెలుస్తోంది. తుగ్లక్ దర్బార్, లాభమ్, యాధుమ్ ఒరే యావరుం కేలిర్, మామనితాన్ వంటి తమిళ్ సినిమాల్లో పవర్ఫుల్ పాత్రల్లో నటించాడు. త్వరలోనే ఆ సినిమాలు బ్యాక్ టూ బ్యాక్ రిలీజ్ కాబోతున్నాయి.

ఆ సినిమాలతో పాటు 2021లో విజయ్ సేతుపతి ఒక డార్క్ కామెడీ సినిమాతో కూడా రాబోతున్నాడు. ఉప్పెన హిట్టు కావడం వలన విజయ్ సేతుపతి నటించిన కొన్ని పాత తమిళ్ సినిమాలను కూడా తెలుగులో డబ్ చేసి విడుదల చేయాలని చూస్తున్నారు. ఆ సినిమాలు ఎంతవరకు సక్సెస్ అవుతాయో గాని సేతుపతి డేట్స్ ఇవ్వగలిగితే అతనితో తెలుగులో డైరెక్ట్ సినిమా చేయాలని చాలా మంది దర్శక నిర్మాతలు రెడీగా ఉన్నారు. మరి సేతుపతి రానున్న రోజుల్లో ఏలాంటి హిట్స్ అందుకుంటాడో చూడాలి.