twitter
    For Quick Alerts
    ALLOW NOTIFICATIONS  
    For Daily Alerts

    విజయ నిర్మల మరణానికి అసలు కారణం.. అందుకే తిరిగిరాని లోకాలకు..

    |

    ప్రముఖ సినీ నటి, దర్శకురాలు, నిర్మాత విజయ నిర్మల ఆకస్మిక మరణాన్ని సినీలోకం జీర్ణించుకోలేకపోతున్నది. దిగ్గజ మహిళ దర్శకురాలు ఇక లేరనే వార్తతో సన్నిహితులు తల్లడిల్లుతున్నారు. ఆమె మరణవార్త తెలియగానే స్నేహితులు, సన్నిహితులు, తోటి కళాకారులు ఆమె పార్ధీవ దేహాన్ని దర్శించుకొనేందుకు పోటేత్తారు. అయితే విజయ నిర్మల మరణానికి అసలు కారణం ఏమిటంటే..

    ఆరోగ్యంగానే విజయ నిర్మల కనిపిస్తూ

    ఆరోగ్యంగానే విజయ నిర్మల కనిపిస్తూ

    ఇటీవల కాలంలో విజయ నిర్మల పలు సమావేశాలకు హాజరయ్యారు. చాలా చలాకీగా, ఎప్పుడూ ముఖం మీద నవ్వు చెదరకుండా కనిపించారు. సూపర్ స్టార్ కృష్ణకు అండగా, చేదోడు వాదోడుగా ఉండేవారు. అలాంటి వ్యక్తి మరణించారంటే అభిమానులు నమ్మలేకపోతున్నారు. ఆరోగ్యంగా కనిపించే విజయ నిర్మలకు ఏమైందని ఆరా తీస్తున్నారు.

    క్యాన్సర్ వ్యాధితోనే ఆకస్మిక మరణం

    క్యాన్సర్ వ్యాధితోనే ఆకస్మిక మరణం

    అయితే విజయ నిర్మల ఆనారోగ్యానికి కారణం క్యాన్సర్. గత కొద్దికాలంగా క్యాన్సర్ వ్యాధితో బాధపడుతున్నారు. కుటుంబ సభ్యులు ఆమెకు క్యాన్సర్ ఉందనే విషయాన్ని గోప్యంగా ఉంచారు. క్యాన్సర్ వ్యాధి ఉందని చెబితే ఆమెపై సానుభూతి కనబరిచేందుకు ఇష్టపడని కుటుంబం ఈ నిర్ణయం తీసుకొన్నట్టు సమాచారం.

    కొద్దికాలంగా సీక్రెట్‌గా చికిత్స

    కొద్దికాలంగా సీక్రెట్‌గా చికిత్స

    క్యాన్సర్ సోకిందనే విషయం తెలిసినప్పటికీ విజయ నిర్మల చాలా మనోధైర్యంతో ఉన్నారట. క్యాన్సర్ మహమ్మారి వెంటాడుతున్నా ధైర్యాన్ని కోల్పోకుండా దానిని ఎదురించే ప్రయత్నం చేశారని సినీ వర్గాలు వెల్లడిస్తున్నాయి. గత కొద్దికాలంగా విజయ నిర్మల కాంటినెంటల్ హాస్పిటల్‌లో క్యాన్సర్ వ్యాధి కోసం చికిత్స పొందుతున్నారు.

    మరణంతో తల్లడిల్లుతున్న సినీ లోకం

    విజయ నిర్మల పరిస్థితి విషమించడంతో ఆమెను ఇటీవల కాంటినెంటల్ హాస్పిటల్‌కు తరలించారు. జూన్ 26 అర్ధరాత్రి ఈ లోకాన్ని వీడి తిరిగి రాని లోకాలకు వెళ్లిపోయారు. ఆమె మృతిని జీర్ణించుకోలేని సినీ లోకం తల్లడిల్లుతున్నది. ఆమె ఆత్మకు శాంతి కలుగాలని అందరూ భగవంతుడిని కోరుతున్నారు.

    English summary
    Actor, director, Super Star Krishna wife Vijaya Nirmala passed away on June 26th midnight in Hyderabad. She was 73 and she breathed her last in Continental Hospitals in Gachibowli. Vijaya Niramala last rites will be on June 28th. In this occassion, Tollywood Hero Balakrishna condolenced on her demise.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X