మహేష్ సినిమా మళ్ళి వాయిదా..కారణం

By Staff

| Published: Thursday, November 20, 2008, 11:08 [IST]

మహేష్-త్రివిక్రమ్ కాంబినేషన్ లో రూపొందనున్న ప్రాజెక్టు మళ్ళి డిసెంబర్ కి వాయిదా పడింది. నిజానికి నవంబర్ పంధొమ్మిది నుండి ఈ సినిమా రెగ్యులర్ షూటింగ్ ప్లాన్ చేసారు. అయితే స్టంట్ మాస్టర్ విజయన్ డేట్స్ అందుబాటులో లేకపోవటంతో ఈ ఆలస్యమవుతోందని సమాచారం. ఎందుకంటే ఈ సినిమాలో అధ్యధిక భాగం యాక్షన్ ఎపిసోడ్స్ తో నిండి ఉండేలా స్క్రిప్టుని త్రివిక్రమ్ తయారు చేసుకున్నాడు. దాంతో మొదట ఆ యాక్షన్ ఎపిసోడ్స్ ని షూట్ చేసిన తర్వాత తీరిగ్గా టాకి పార్ట్ ని ఫినిష్ చేద్దామని ఆలోచన అని తెలుస్తోంది.

అయితే మొదట అనుకున్నట్లుగా విజయన్ డేట్స్ కేటాయించలేకపోవటానికి కారణం అతను ఒప్పుకున్న పెద్ద ప్రాజెక్టుల షూటింగ్ లు వివిధ కారణాల వల్ల లేటవటమేనని సమాచారం. అయితే ఎంత లేటయినా ఫైట్స్ కంపోజింగ్ లో ఫెరఫక్షన్ చూపే విజయన్ చేతే ఈ యాక్షన్ సన్నివేశాలు కంపోజ్ చేయించాలని మహేష్ పట్టుపడుతున్నారు. ఇక విజయన్ ప్రస్తుతం పవన్ కళ్యాణ్ తో కొమరం పులి,రాజమౌళి-రామ్ చరణ్ తేజ సినిమాలకు పని చేస్తున్నారు.

అవి ఈ నెలఖారకు విజయన్ పార్ట్ ఓ కొలిక్కి వస్తాయని ఆ తర్వాత పూర్తి బల్క్ డేట్స్ తో ఎవరికి ఇబ్బంది లేకుండా ఈ ప్రాజెక్టులోకి ప్రవేశిస్తానని మాట ఇచ్చారని అందుకే వెయిట్ చేస్తున్నారని చెప్తున్నారు. ఎప్పటికి పూర్తయినా మంచి అవుట్ పుట్ అనేది అవసరం కాబట్టి...అలాగే కానివ్వమందాం.