Don't Miss!
- Lifestyle ప్రేమ విషయంలో ఈ రాశులను మాత్రం అస్సలు నమ్మకూడదు..నమ్మక ద్రోహం చేస్తారు..
- Sports India squad for T20 World Cup: ఏడుగురు స్పెషలిస్ట్ బ్యాటర్లు.. తెలుగోడికి నో ఛాన్స్!
- News విశాఖలో కూటమికి బిగ్ షాక్.. వైసీపీలో చేరిన కీలక నేత
- Automobiles క్రాష్ టెస్ట్లో శభాష్ అనిపించిన కియా కేరెన్స్.. ఆ విభాగంలో 5 స్టార్ రేటింగ్
- Technology స్మార్ట్వాచ్ సెగ్మెంట్లోకి ప్రముఖ సంస్థ.. 8 రోజుల బ్యాటరీ లైఫ్, హెల్త్ ట్రాకర్లతో ProWatch విడుదల..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
కథ విషయంలో భేదాభిప్రాయాలు.. రాజమౌళి అనుకున్నట్లే చేస్తాడు.. విజయేంద్ర ప్రసాద్!
Recommended Video
దర్శకధీరుడు రాజమౌళి తెరకెక్కిస్తున్న తాజా చిత్రం ఆర్ఆర్ఆర్. బాహుబలి తర్వాత రాజమౌళి మరో భారీ చిత్రానికి శ్రీకారం చుట్టాడు. రాజమౌళి తండ్రి విజయేంద్రప్రసాద్ ఈ చిత్రానికి కథ అందిస్తున్నారు. రాజమౌళి చిత్రాలకు తన ఫ్యామిలీ సహకారం ఎలా ఉంటుందో ప్రత్యేకంగా చెప్పనవసరం లేదు. తాజాగా విజయేంద్ర ప్రసాద్ రాజమౌళి గురించి ఆసక్తికర విషయాలు వెల్లడించారు. తాము ఇంట్లో ఒకలా, సెట్స్ లో మరోలా ఉంటాం అని విజయేంద్ర ప్రసాద్ తెలిపారు.
ఊహించలేదు
విజయేంద్ర ప్రసాద్ రాజమౌళి గురించి మాట్లాడుతూ.. తన కుమారుడు ఇంత పెద్ద స్టార్ డైరెక్టర్ అవుతాడని అసలు ఊహించలేదు. ప్రస్తుతం తాను రాజమౌళి పట్ల చాలా గర్వంగా ఫీల్ అవుతున్నానని విజయేంద్ర ప్రసాద్ తెలిపారు. తామిద్దరం ఇంట్లో ఇప్పటి మోడ్రన్ తండ్రీ కొడుకుల్లా స్నేహితుల్లా ఉండం. ఇంట్లో తండ్రిగా నాదే ఆధిపత్యం. తాను పాతతరం తండ్రిలాగే ప్రవర్తిస్తుంటానని విజయేంద్ర ప్రసాద్ తెలిపారు.
కథని అద్భుతంగా
రాజమౌళితో కథని అద్భుతంగా చెప్పగలిగే నైపుణ్యం ఉందని విజయేంద్ర ప్రసాద్ తెలిపారు. ఇంట్లో తాను ఆధిపత్యం చెలాయిస్తే.. సెట్స్ లో మాత్రం అతడే బాస్. నేను రచయితని మాత్రమే అని విజయేంద్ర ప్రసాద్ తెలిపారు. దర్శకుడు కాకముందు నుంచే నాకు కథ విషయంలో రాజమౌళి సాయం చేసేవాడు. అలా దర్శకత్వ నైపుణ్యాలు పెంచుకున్నాడు అని విజయేంద్ర ప్రసాద్ తెలిపారు.
భేదాభిప్రాయాలు
సినిమా స్క్రిప్ట్ విషయంలో భేదాభిప్రాయాలు గురించి మాట్లాడుతూ.. అవి మామధ్య ఎప్పుడూ ఉండేవే. నేను చెప్పిన విషయాలని రాజమౌళి చాలా సంధర్భాల్లో ఒప్పుకోలేదు. తాను అనుకున్నదే చేస్తాడు అని విజయేంద్ర ప్రసాద్ అన్నారు. కెప్టెన్ అతడే కాబట్టి నేను అంగీకరించాల్సిందే అని విజయేంద్ర ప్రసాద్ అన్నారు. ఇదిలా ఉండగా రాజమౌళి, విజయేంద్ర ప్రసాద్ చాలా కాలం పాటు స్క్రిప్ట్ పై వర్క్ చేసిన తర్వాత ఆర్ఆర్ఆర్ చిత్రాన్ని ప్రారంభించాడు.
కల్పిత గాధగా
ఎన్టీఆర్, రాంచరణ్ కలసి నటిస్తున్న ఆర్ఆర్ఆర్ చిత్రం కోసం దేశం మొత్తం ఎదురుచూస్తోంది. ఎన్టీఆర్ కొమరం భీం పాత్రలో, రాంచరణ్ అల్లూరి పాత్రలో నటిస్తున్నారు. 1920 కాలంలో స్వాతంత్ర నేపథ్యంలో జరిగే ఈ కథని కల్పిత గాధగా రాజమౌళి చూపించబోతున్నాడు. దాదాపు 400 కోట్ల బడ్జెట్ లో డివివి దానయ్య ఈ చిత్రాన్ని నిర్మిస్తున్నారు.