1920 హర్రర్ సినిమా...

By Staff

| Published: Saturday, July 26, 2008, 10:02 [IST]

బాలీవుడ్ వరస ఫ్లాఫుల దర్శకుడు విక్రమ్ భట్ ఈ సారి తన బాణీ మార్చి ప్రేక్షకులను భయపెట్టేందుకు రెడీ అవుతున్నాడు.దాదాపు అంతా కొత్త వారితో 1920 పేరుతో ఓ పీరియడ్ హర్రర్ మూవీని ఈయన రూపొందిస్తున్నాడు. 1920 లో జరిగే ఈ సినిమా ఓ ప్రేమ కథగా ఉంటూనే వెన్నులో వణుకు పుట్టించేలా భయపెడుతుందని హామీ ఇస్తున్నాడు. అంతేగాక ఓ ఇండియన్ అబ్బాయికి,ఆంగ్ల వనితకు జరిగే లవ్ స్టోరీగా దీన్ని తీర్చిదిద్దానంటున్నాడు. రాజస్ధాన్,ముస్సోరి,ముంబాయి,హిమాలయాలలోని ప్రముఖ ప్రాంతాలలో ఈ సినిమా చిత్రీకరణ చేసాడుట. పెద్దలు ఒప్పుకోని ఈ ప్రేమికుల జంటకు కొన్ని సూపర్ నేచురల్ పవర్స్ వల్ల అడ్డంకులు ఎదురవటం ఈ చిత్రంలోని కీలకాంశం అంటున్నారు.నిర్మాత సురేంద్ర శర్మ ఈ సినిమాను క్లాసిక్ పీరియడ్ గా అభివర్ణిస్తున్నాడు.ఇక ఆద్నామ్ సామి సంగీతం అందిస్తున్న ఈ సినిమా సెప్టెంబర్ 12 న రిలీజ్ కి ప్లాన్ చేస్తున్నారు.