నాని అలాంటి పనులు కూడా చేస్తాడా.. రూమర్స్‌ని కొట్టిపారేసిన దర్శకుడు!

నాని కొత్త అవతారం

ఎలాంటి పాత్రలో అయినా చురుకైన నటనతో మెప్పించడం నాని శైలి. అందుకే నేచురల్ స్టార్ అని అభిమానులు ముద్దుగా పిలుచుకుంటారు. నాని నటుడిగానే కాదు ఆ మధ్యన అ! అనే చిత్రాన్ని నిర్మాతగా కూడా మారాడు. ఇప్పుడు నాని మరో కొత్త అవతారం ఎత్తబోతున్నట్లు వార్తలు వస్తున్నాయి. విక్రమ్ కుమార్ దర్శత్వంలో తెరకెక్కబోయే చిత్రానికి నాని రచయితగా మారబోతున్నాడట. విక్రమ్ కుమార్ కు నాని రచనలో సాయం అందించబోతున్నాడని ప్రచారం జరుగుతోంది.

అలాంటి పనులు కూడా చేస్తాడా

నాని గురించి అభిమానులకు ఇది షాకింగ్ న్యూసే అని చెప్పొచ్చు. నాని ఇలాంటి పనులు కూడా చేస్తాడా అని అభిమానులు ఆశ్చర్యపోతున్నారు. రూమర్స్ ఎక్కువవుతుండడంతో విక్రమ్ కుమార్ స్పందించారు. నాని నా చిత్రానికి రచయిత కాదు. నాని రచయితగా ఎప్పుడు మారాడో కూడా నాకు తెలియదు. నా చిత్రానికి నాని హీరో మాత్రమే అని తెలిపాడు. జనవరి కల్లా కథ పూర్తి చేసి ఫిబ్రవరి నుంచి షూటింగ్ ప్రారంభించబోతున్నట్లు తెలుస్తోంది.

హర్రర్ కథ

విక్రమ్ కుమార్ ఈ చిత్రాన్ని హర్రర్ నేపథ్యంలో తెరకెక్కించబోతున్నట్లు కూడా వార్తలు వస్తున్నాయి. కథ గురించి మాత్రం విక్రమ్ కుమార్ స్పందించలేదు. ఈ చిత్రంలో హీరో సిద్దార్థ్ ప్రతినాయకుడు పాత్రలో నటించనున్నట్లు తెలుస్తోంది. సిద్ధార్థ్ పాత్రకు ఎక్కువ ప్రాధాన్యం ఉంటుందని సమాచారం.

ఐదుగురు హీరోయిన్లు

ఈ చిత్రాన్ని ప్రకటించే సమయంలోనే నాని హీరోయిన్ల గురించి హింట్ ఇచ్చాడు. నాతో పాటు ఆ ఐదుగురు కూడా ఉన్నారు అని తెలిపాడు. ఈ చిత్రంలో ఐదుగురు హీరోయిన్లు నటించబోతున్నట్లు తెలుస్తోంది. విక్రమ్ కుమార్ చిత్రాల్లో బలమైన కథ ఉంటుంది. ఇష్క్, మనం, 24 చిత్రాలు అలాంటివే. నాని చిత్రంతో విక్రమ్ కుమార్ ఎలాంటి మ్యాజిక్ చేస్తాడో చూడాలి.