Don't Miss!
- News క్యూ నిల్చొని ఓటు వేసిన సూపర్ స్టార్
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
వెంకటేష్ కు 'విల్లా' భయం...??
హైదరాబాద్ : తెలుగు, తమిళ భాషల్లో సూపర్ హిట్టైన 'పిజ్జా' చిత్రానికి కొనసాగింపుగా తెరకెక్కిన చిత్రం 'విల్లా'(పిజ్జా-2). అశోక్, సంచితా శెట్టి జంటగా 'విల్లా' లో నటించారు. సినిమాని ఈ నెల 14న ప్రేక్షకుల ముందుకు తీసుకొస్తున్నారు. ఇదే రోజున వెంకటేష్,రామ్ కాంబినేషన్ లో రూపొందిన మసాలా చిత్రం విడుదల అవుతోంది. విల్లా చిత్రం ఆల్రెడి హిట్టైన పిజ్జాకు సీక్వెల్ కావటంతో మసాలా చిత్రం పై దాని ప్రభావం పడనుందా అనే సందేహాలు అంతటా కలుగుతున్నాయి.
దానికి తోడు మసాలా చిత్రంలో చాలా సన్నివేశాలు ఆల్రెడీ తెలుగులో వచ్చిన సీన్స్ తో తీసిన హిందీ సినిమా బోల్ బచ్చన్ రీమేక్ కావటం విశేషం. మరో ప్రక్క ఈ చిత్రం ప్రోమోలు సైతం ప్రేక్షకులను అలరించటంలో విఫలమయ్యాయి. వైవా బ్యాచ్ తో చేసి విడుదల చేసిన ప్రోమో అయితే చాలా ఘోరంగా ఉందని, సినిమాకి ఇంత బడ్జెట్ అయ్యిందని చెప్పుకోవటానికి మాత్రమే ఆ ప్రోమో ఉపయోగపడిందని అంటున్నారు. అయితే మసాలా చిత్రంలో రామ్ యాక్షన్ హైలెట్ గా నిలుస్తుందని చెప్తున్నారు. గే గెటప్ లో రామ్ నవ్వులు పండిస్తాడంటున్నారు.
'విల్లా' చిత్రం దీపన్.ఆర్ దర్శకత్వంలో తెలుగు, తమిళ భాషల్లో సినిమా తెరకెక్కింది. గుడ్ సినిమా గ్రూప్, స్టుడియో సౌత్ ప్రొడక్షన్స్ సంస్థలు సంయుక్తంగా నిర్మించాయి. గుడ్ సినిమా గ్రూప్, స్టూడియో సౌత్ సంస్థలు ఈ చిత్రాన్ని తెలుగు ప్రేక్షకులకు అందిస్తున్నాయి. నిర్మాతల్లో ఒకరైన ఎస్.కె.ఎన్ మాట్లాడుతూ -''పంపిణీదారుల్ని దృష్టిలో పెట్టుకొని మేం సినిమాను ఎంపిక చేస్తాం. అందుకే మా సంస్థ ద్వారా వచ్చిన ప్రతి సినిమా పంపిణీదారులకు లాభాలనే తెచ్చిపెట్టింది. 'విల్లా'లో ఏం జరిగిందన్నది ఆసక్తికరంగా ఉంటుంది. ఇప్పటికే విడుదలైన 'విల్లా' పాటలు, ప్రచార చిత్రాలు మంచి స్పందన చూరగొంటున్నాయి. సినిమా కూడా తప్పకుండా విజయాన్ని అందుకుంటుందని నా నమ్మకం'' అని చెప్పారు.
దర్శకుడు మాట్లాడుతూ... ''గతంలో వచ్చిన 'పిజ్జా'కి కొనసాగింపుగా వస్తున్న చిత్రమిది. ఆద్యంతం ఉత్కంఠభరితంగా సినిమాని తెరకెక్కించాం. ఇటీవల విడుదల చేసిన పాటలకి మంచి స్పందన వస్తోంది'' అన్నారు. 'పిజ్జా'కు కొనసాగింపు అనగానే... ఈ సినిమాపై అంచనాలు అధికమయ్యాయని, థియేటర్కి వచ్చే ప్రేక్షకులను ఈ సినిమా ఏ మాత్రం నిరుత్సాహానికి లోను చేయదని దర్శకుడు చెప్పారు. ఈ సినిమాకు సంగీతం: సంతోష్ నారాయణ్, కెమెరా: దీపక్ కుమారపతి, ఎడిటింగ్: లియో జాన్ పాల్.ఎం., ఆర్ట్: మాయన్.ఎల, సౌండ్ ఎఫెక్ట్స్: అరుణ్ శీను, స్టంట్స్: బిల్లా జగన్.