»   » ‘బాహుబలి’ టీంతో గ్రామస్థుల వివాదం, పోలీసుల మోహరింపు

‘బాహుబలి’ టీంతో గ్రామస్థుల వివాదం, పోలీసుల మోహరింపు

Posted By:
Subscribe to Filmibeat Telugu

హైదరాబాద్ సమీపంలోని హయత్ నగర్ మండలం అనాజ్‌పూర్ గ్రామస్తులకు, 'బాహుబలి' సినిమా యూనిట్ సభ్యులకు గురువారం వివాదం నెలకొంది. ఇక్కడ సినిమా షూటింగ్ జరుగుతుండగా గ్రామస్థులు అడ్డు పడ్డారు. షూటింగుకు గ్రామపంచాయితీ అనుమతి లేదని గ్రామస్థులు వాదిస్తున్నారు. దీంతో అక్కడ ఉద్రిక్త పరిస్థితి నెలకొంది. ఇక్కడ భారీగా పోలీసులు మోహరించారు. పూర్తి వివరాలు తెలియాల్సి ఉంది.

ప్రభాస్, అనుష్క, రాణా, తమన్నా ప్రధాన పాత్రల్లో రాజమౌళి దర్శకత్వంలో తెరకెక్కుతున్న భారీ బడ్జెట్‌ చిత్రం 'బాహుబలి'. ఆర్కా మీడియా వర్క్స్‌ పతాకంపై శోభు యార్లగడ్డ, ప్రసాద్‌ దేవినేని ఈ చిత్రాన్ని నిర్మిస్తున్నారు. ప్రస్తుతం రామోజీ ఫిల్మ్ సిటీ సమీపంలో భారీ యుద్ధ సన్నివేశాల చిత్రీకరణ జరుగుతోంది.

Villagers obstruct Baahubali shooting

దర్శకుడు రాజమౌళి భారతీయ సినిమా చరిత్రలో ఇప్పటి వరకు ఏ సినిమాలోనూ చేయని విధంగా 'బాహుబలి' యుద్ధ సన్నివేశాలు చిత్రీకరించడానికి ప్లాన్ చేస్తున్నారు. ప్రధాన తారాగణంతో పాటు దాదాపు 2000 మంది జూనియర్ ఆర్టిస్టులతో ఈ యుద్ధ సన్నివేశాలు చిత్రీకరించేందుకు ప్లాన్ చేసారు.

భారీ బడ్జెట్‌తో రూపొందుతున్న ఈచిత్రం భారతీయ సినీ చరిత్రలోనే మునుపెన్నడూ లేని విధంగా అద్భుతమైన సాంకేతిక పరిజ్ఞానం ఉపయోగించి తెరకెక్కిస్తున్నాడు రాజమౌళి. ఇప్పటికే 'ఈగ' చిత్రంతో రాజమౌళి ఖ్యాతి అంతర్జాతీయంగా పాపులర్ అయింది. ఈ చిత్రం ఆయనకు మరింత పాపులారిటీ తెస్తుందని భావిస్తున్నారు ఇండస్ట్రీ వర్గాలు. ఈ చిత్రం ప్రేక్షకుల ముందుకు 2015లో వచ్చే అవకాశం ఉంది.

English summary

 Villagers obstruct Baahubali shooting at Hayat Nagar mandal. Baahubali is an upcoming two-part Indian epic film that will be shot back to back in Telugu and Tamil languages simultaneously. The film will also be dubbed in Malayalam, Hindi and in several Foreign languages. The film is directed by S. S. Rajamouli starring Prabhas, Rana Daggubati, Anushka Shetty and Tamannaah.
Please Wait while comments are loading...