రామ్ చరణ్ ‘ప్లాప్’ స్టేట్మెంటును... బోయపాటి జీర్ణించుకోలేక పోతున్నారా?

బోయపాటి పేరు ప్రస్తావించని చరణ్

రామ్ చరణ్ తన బహిరంగ లేఖలో ఎక్కడా కూడా దర్శకుడు బోయపాటి పేరు ప్రస్తావించలేదు. ఎవరినీ తప్పుబట్టకుండా అంతా కష్టపడి పని చేశాం, కానీ వర్కౌట్ కాలేదని మాత్రమే తెలిపారు. వాస్తవానికి బోయపాటికి ఈ లేఖ రాయడం ఇష్టం లేదట. అందుకే రామ్ చరణ్ తన లేఖలో ఆయన పేరు ప్రస్తావించలేదట.

ఈ ప్లాప్ ఎఫెక్ట్ ఎవరిపై?

ఒక భారీ విజయం అందుకున్న తర్వాత ఒక స్టార్ హీరో సినిమా ప్లాప్ అయిందంటే... ఆ ఎఫెక్ట్ ఎవరిపై ఎక్కువ పడుతుంది అంటే దర్శకుడిపైనే అని ప్రత్యేకంగా చెప్పక్కర్లేదు. అందుకే బోయపాటి ఈ లేఖపై అయిష్టంగానే ఉన్నారట. ఆయన నుంచి ఇప్పటి వరకు ఎలాంటి ప్రకటన రాకపోవడమే ఇందుకు నిదర్శనంగా చెప్పుకుంటున్నారు.

ఇలాంటి అనుభవం ఇదే తొలిసారి

తను తీసిన సినిమా ఆడక పోతే.. ప్లాప్ అయిందని ఒప్పుకుంటూ స్వయంగా హీరోనే స్టేట్మెంట్ రిలీజ్ చేయడం లాంటి సంఘటన బోయపాటి తన కెరీర్లో తొలిసారి ఎదుర్కొన్నారు. దీనిపై ఎలా రియాక్ట్ అవ్వాలో కూడా తెలియక సైలెంట్ అయిపోయారట.

తానేంటో నిరూపించుకోవాలనే కసి మరింత పెరిగిందా?

‘వినయ విధేయ రామ' సినిమా రిలీజ్ అవ్వడానికి ముందే బోయపాటి మరో సినిమాకు కమిట్ అయ్యారు. త్వరలో ఆయన బాలయ్యతో మూవీ చేయబోతున్నారు. ‘వినయ విధేయ రామ' ప్లాప్ ఎఫెక్ట్ తన కెరీర్ మీద పడకుండా ఉండేందు మరింత పట్టుదలతో హిట్ కొట్టాలనే కసితో ముందుకు సాగుతున్నట్లు సమాచారం.

హిట్టు కొడితేనే టాప్ స్టార్లతో అవకాశం

బోయపాటి నెక్ట్స్ బాలయ్యతో చేయబోయే సినిమాతో తప్పనిసరిగా హిట్ కొట్టాల్సిన పరిస్థితి ఏర్పడింది. లేక పోతే టాప్ స్టార్లతో చేసే అవకాశాలు క్రమంక్రమంగా తగ్గిపోయే ఛాన్స్ ఉందని విశ్లేషకులు చెబుతున్నమాట.