అబ్బో.. రొమాంటిక్ యాంగిల్.. అమ్మాయిలతో 'వినయ విధేయ రామ', ఉపాసన ఆల్రెడీ!

రొమాంటిక్ యాంగిల్

బోయాపాటి శ్రీను సిద్ధం చేస్తున్న రామ్.. కొణిదెలలో వినయం, విధేయత మాత్రమే కాదు.. రొమాంటిక్ యాంగిల్ కూడా పుష్కలంగా ఉంది. తాజాగా చిత్ర యూనిట్ విడుదుల చేసిన పోస్టర్ సోషల్ మీడియాలో వైరల్ అవుతోంది. రాంచరణ్ చుట్టూ చేరిన అమ్మాయిలతో కలసి కొబ్బరి బోండంలు తాగుతున్న స్టిల్ అద్భుతంగా ఉంది. అందమైన అమ్మాయిల మధ్య వినయ విధేయ రాముడు స్టైలిష్ గా కనిపిస్తున్నాడు.

తొలి పాట సిద్ధం

వినయ విధేయ రామ చిత్రంలో పాటల సందడి మొదలు కాబోతోంది. డిసెంబర్ 3న సాయంత్రం 4 గంటలకు ఈ చిత్రంలోని ఫస్ట్ సాంగ్ విడుదల చేయనున్నారు. తందానే తందానే అంటూ సాగే ఫ్యామిలీ సాంగ్ ని రిలీజ్ చేయబోతున్నట్లు చిత్ర యూనిట్ ప్రకటించింది. ఈ మేరకు కొత్త పోస్టర్ విడుదల చేసింది. టీజర్ లో మాస్ లుక్ లో కనిపించిన చరణ్ తాజా పోస్టర్ లో క్లాస్ గా ఉన్నాడు.

ఉపాసన ఆల్రెడీ

ఇప్పటికే ఆ పాటని తాను వినేశానని ఉపాసన సోషల్ మిడియా ద్వారా ప్రకటించింది. పాట అద్భుతంగా ఉందంటూ రాంచరణ్ తాజా పోస్టర్ ని జత చేసింది. రాంచరణ్ గురించి ఏ విశేషం ఉన్నా ఉపాసన అభిమానులతో సోషల్ మీడియా వేదికగా పంచుకుంటుంది. సంక్రాంతి కానుకగా వినయ విధేయ రామ చిత్రాన్ని విడుదల చేయనున్నారు.

దేవిశ్రీ ప్రసాద్

ఈ చిత్రానికి రాక్ స్టార్ దేవిశ్రీ ప్రసాద్ సంగీత దర్శకుడు. డివివి దానయ్య ఈ చిత్రాన్ని నిర్మిస్తున్నారు. బాలీవుడ్ నటుడు వివేక్ ఒబెరాయ్ ఈ చిత్రంలో ప్రతినాయకుడి పాత్ర పోషిస్తుండడం విశేషం. ఆర్యన్ రాజేష్, తమిళ హీరో ప్రశాంత్, సీనియర్ హీరోయిన్ స్నేహ ఈ చిత్రంలో కీలక పాత్రల్లో నటిస్తున్నారు. కైరా అద్వానీ హీరోయిన్ గా నటిస్తోంది.