మనోడ్నే..ప్లీజ్: హీరో రిక్వెస్ట్

By Staff

Published: Monday, June 8, 2009, 18:50 [IST]

తమిళంలో సినిమా తీసి తెలుగులో రుద్దే విశాల్ కన్ను ఇప్పుడు టాలీవుడ్ పై పడింది. తన సినిమాలు పందెంకోడి మొదలు పిస్తా దాకా అన్ని ఇక్కడ ఘనవిజయం సాధిస్తున్నాయి కాబట్టి ఇక్కడ డైరక్టర్ కూడా తననో చూపు చూడాలని కోరుకుంటున్నాడు. తనతో సినిమా తీస్తే తమిళ మార్కెట్ కూడా ఉంటుందని అన్యాపదేశంగా చెప్తూ ఆశపెడ్తున్నాడు. తన నేటివ్ టౌన్ రాజమండ్రి అనీ అదీ తన చిన్నప్పుడు ఎప్పుడో వెళ్ళానని, మళ్ళీ ఈ మధ్యే వెళ్ళినప్పుడు బాగా రిసీవ్ చేసుకున్నారని చెప్పుకొచ్చాడు. అదేంటో గానీ తనను తమిళులు ఆదరిస్తున్నా తెలుగుమీదే దృష్టి ఎక్కువ ఉంటుందని, అది తన రక్తంలో ఉన్న తెలుగుతనం గొప్పతనం అయ్యుండవచ్చు అని కబుర్లు చెప్తున్నాడు.

ఇదిలా ఉంటే పిస్తా సినిమా షూటింగ్ లో అన్ని విభాగాల్లో వేలు పెట్టి సెల్యూట్ లాగే డిజాస్టర్ టాక్ తెచ్చిపెట్టుకున్నా మారలేదని యూనిట్ సభ్యులు అంటున్నారు. దర్శకుడుకి విలువ ఇవ్వడని ఈక ముక్కలా చూస్తాడని, అది ఇక్కడ తెలుగు పీల్డులో తెలుగు దర్శకులందరికీ తెలుసు అని ఏ సముద్ర లాంటి వారో ధైర్యం చేసి విశాల్ దగ్గరకు కథ పట్టుకెళ్లాలి గానీ పెద్ద డైరక్టర్స్ ఎవరూ వెళ్ళరంటున్నారు. అప్పటికీ విశాల్ తన పరిచయాలతో వినాయిక్ కీ, రాజమౌళి కి డైరక్ట్ చేయిమని తమ బ్యానర్ తరుపున ఆహ్వానం పంపారని అయితే వారు తమకు ఖాళీలేదని రిజెక్టు చేసారని సమాచారం.

More from Filmibeat