twitter
    For Quick Alerts
    ALLOW NOTIFICATIONS  
    For Daily Alerts

    విశాల్ తొలి తెలుగు సినిమా ఖరారు

    By Bojja Kumar
    |

    హైదరాబాద్: ఇప్పటి వరకు డబ్బింగ్ చిత్రాల ద్వారా తెలుగు ప్రేక్షకులకు పరిచయం అయిన తమిళ హీరో విశాల్... త్వరలో డైరెక్ట్ తెలుగు సినిమా చేయబోతున్నారు. నవంబర్లో మొదలు కానున్న ఈచిత్రం ద్వారా శ్రీను వైట్ల, శేఖర్ సూరి వద్ద శిష్యరికం చేసిన శశికాంత్ దర్శకుడిగా పరిచయం కాబోతున్నాడు. తమిళనాడులో పుట్టి పెరిగిన విశాల్ తెలుగు సీనియర్ నిర్మాత జి.కె.రెడ్డి తనయుడు.

    జికె ఫిల్మ్ కార్పొరేషన్ అధినేత విక్రమ్ కృష్ణ ఈ చిత్రాన్ని నిర్మించబోతున్నారు. ఈ చిత్రం గురించి నిర్మాత మాట్లాడుతూ....'చాలా కాలంగా విశాల్ తెలుగులో సినిమా చేయాలని అనుకుంటున్నాడు. మంచి కథ కోసం ఇన్నాళ్లు వెయిట్ చేయాల్సి వచ్చింది. దర్శకుడు శశికాంత్ విశాల్‌కి పర్‌ఫెక్ట్‌గా సూటయ్యే కథ చెప్పారు.

    ఫస్ట్ సిట్టింగ్‌లోనే కథను విన్న విశాల్ తెలుగు ప్రాజెక్ట్ చేసేందుకు అంగీకరించడం జరిగింది. భారీ తారాగణంతో, అత్యున్నత సాంకేతిక నిపుణులతో ఈచిత్రాన్ని నిర్మించబోతేన్నారు. నవంబర్లో సినిమాను లాంఛనంగా ప్రారంభిస్తాం' అన్నారు. ఈ చిత్రానికి నిర్మాణ సారథ్యం: వడ్డి రామానుజం, నిర్మాత: విక్రమ్ కృష్ణ, కథ, దర్శకత్వం: శశికాంత్.

    విశాల్ నటించిన పందెం కోడి చిత్రంతో పాటు, వాడు-వీడు చిత్రాలు తెలుగులో మంచి మార్కెట్ చేసాయి. కిలాడీ చిత్రం మాత్రం తెలుగులో పెద్ద ప్లాప్‌‍గా మిగిలింది. ఈ నేపథ్యంలో విశాల్ తెలుగు ఎంట్రీ ఎలాంటి ఫలితాలను ఇస్తుందో అని ఫిల్మ్ నగర్లో చర్చించుకుంటున్నారు.

    English summary
    Vishal telugu film begin from November. He waited for the right story to come his way. When Sashikanth, who worked under Srinu Vytla and Shekar Suri, narrated a story to him, Vishal okayed it in the first sitting.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X