ఆ సినిమా విష్ణు తోనా!!

By Staff

Published: Thursday, March 12, 2026, 20:03 [IST]

ప్రియమణికి నేషనల్ అవార్డుని తెచ్చిపెట్టిన 'పరుత్తివీరన్' సినిమా తెలుగులో రీమేక్ కాబోతోందనే వార్త అంతటా వినపడుతోంది.అలాగే ఈ సినిమాలో సూర్య తమ్ముడు కార్తీక్ చేసిన హీరో పాత్రను విష్ణు వర్దన్ చేయనున్నాడని తెలుస్తోంది. అయితే ఈ పాత్ర చాలా కాంప్లికేటెడ్ గా ఉంటుంది. పక్కా గ్రామీణ వాతావరణంలో చదువు సంధ్య లేకుండా తినటం,త్రాగంటం,వేశ్యలతో తిరగటం..ఎవరైనా అడ్డొస్తే తన్నటం..చేస్తూ మొండిగా పోరంబోకు లా తిరిగే పాత్ర ఇది.

అక్కడ కార్తీక్ ఈ పాత్రలోకి పరకాయ ప్రవేశం చేసి ప్రాణ ప్రతిష్ట చేసి హిట్టు కొట్టాడు. మరి విష్ణు వర్ధన్ ఆ రేంజ్ నటన కనపర్చగలడా అనేది అందరికీ కలుగుతున్న సందేహం. ఇక ఈ చిత్రం రైట్స్ ఓ పెద్ద ప్రొడక్షన్ హౌస్ వారి వద్ద ఉన్నాయి. వారు..ఈ సినిమాని ఆ చిత్ర దర్శకుడు అమీర్ తోనే తియ్యాలని భావిస్తున్నారుట.చర్చలు జరుగుతున్నాయట. అయితే ప్రియమణే హీరోయిన్ పాత్రను చేసే అవకాశం ఉందిట. అన్నీ అనుకూలిస్తే త్వరలోనే అధికారికంగా ప్రకటన వచ్చే అవకాశముంది.

More from Filmibeat