కరోనా కలకలం.. టాలీవుడ్ లో మరో యంగ్ హీరోకు.. వ్యాక్సిన్ వేయించుకున్నా వదల్లేదు.. జాగ్రత్త అంటూ!

లక్షల మంది కరోనా బారిన

కరోనా 2019 వ సంవత్సరం లో భారత దేశంలో ఎంట్రీ ఇచ్చి విధ్వంసం సృష్టించింది. కొన్ని లక్షల మంది కరోనా బారిన పడగా, వేల సంఖ్యలో కరోనా బారిన పడి మరణించిన పరిస్థితులు కూడా చూశాం. తగ్గిపోతుంది అని భావించగా రెండో దశ కూడా వచ్చి అనేక మందిని పొట్టన పెట్టుకుంది. అయితే కరోనాను తగ్గించడానికి వ్యాక్సిన్ కనుగొనడంతో ఇక ఇబ్బంది ఉండదు అని అందరూ భావిస్తూ వచ్చారు.

భారతదేశంలో కో కొల్లలుగా

కానీ రెండు డోసులు కరోనా వ్యాక్సిన్ తీసుకున్న వారికి కూడా ఇప్పుడు కరోనా సోకుతుంది. కొత్తగా ఓమైక్రాన్ అనే ఒక కొత్త వేరియంట్ కరోనా విషయంలో బయటపడడంతో అది అందరినీ మరింత భయపెడుతోంది. ఎవరు ఊహించని విధంగా ఓమైక్రాన్ కేసులు భారతదేశంలో కో కొల్లలుగా బయట పడుతున్నాయి.

ఓమైక్రాన్ తొలి మరణం

తాజాగా ఓమైక్రాన్ తొలి మరణం కూడా భారత దేశంలో నమోదయింది. అయితే అనుకోని పరిస్థితుల్లో అనేక మంది బాలీవుడ్ నటీనటులు ఈ కరోనా బారిన పడుతున్నారు. ముందుగా కరీనా కపూర్ ఒక పార్టీలో పాల్గొనగా ఆమె ద్వారా అనేక మందికి కరోనా సోకింది. తాజాగా దుబాయ్ లో నివాసముంటున్న మహేష్ బాబు వదిన శిల్పా శిరోద్కర్ కు కూడా కరోనా సోకింది.

అర్జున్ కపూర్ కి సైతం కరోనా

అలాగే ముంబైలో ఉన్న బాలీవుడ్ హీరో అర్జున్ కపూర్ కి ఆయన సోదరి అన్షులా కపూర్ కు సైతం కరోనా సోకింది. అయితే ఈ కరోనా కేవలం బాలీవుడ్కు మాత్రమే పరిమితం అవుతుంది అనుకుంటే టాలీవుడ్ కు కూడా ఇవ్వడం మొదలు పెట్టింది. ముందుగా యువ హీరో మంచు మనోజ్ కరోనా బారిన పడ్డారు. దీంతో గత వారం రోజులుగా తనను కలిసిన వారు అందరూ విధిగా పరీక్షలు చేయించుకోవాలి అని ఆయన కోరారు. ఇప్ప్పుడు మరో హీరో కూడా కరోనా బారిన పడ్డారు.

Recommended Video

Raja Vikramarka Pre Release Event సినిమాకి పాత రోజులు వచ్చాయి Vishwak Sen

విశ్వక్సేన్ కరోనా బారిన

అయితే ఇప్పుడు తాజాగా యువ హీరో విశ్వక్సేన్ కూడా కరోనా బారిన పడ్డారు ఈ విషయాన్ని ఆయన స్వయంగా తన సోషల్ మీడియా వేదికగా ప్రకటించారు. అందరికీ హాయ్ నాకు కరోనా పాజిటివ్ గా నిర్ధారణ అయింది. దీంతో నన్ను నేను ఐసోలేషన్ లో ఉంచుకుని అన్ని సేఫ్టీ ప్రోటోకాల్స్ డాక్టర్ సలహా మేరకు పాటిస్తున్నాను. వాక్సినేషన్ చేయించుకున్న తర్వాత కూడా ఇలా కరోనా సోకడం దురదృష్టకరం, ఈ కొత్త స్ట్రైన్ ఒక కార్చిచ్చు లాగా విరుచుకుపడుతోంది. మీ అందరూ విధిగా మాస్కులు ధరించి జాగ్రత్తగా ఉండండి, మీ సపోర్ట్ కి ప్రేమకు ధన్యవాదాలు అంటూ విశ్వక్సేన్ తన ప్రకటనలో పేర్కొన్నారు.