Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
‘విశ్వాసం’ ప్రీ రిలీజ్ బిజినెస్ డీలా... అజిత్ సినిమాలకు డిమాండ్ లేదా?
తమిళ స్టార్ అజిత్ నటించిన 'విశ్వాసం' సంక్రాంతి సందర్భంగా తమిళనాడులో విడుదలై సంచలన విజయం సాధించింది. రజనీకాంత్ 'పేట'తో పోటా పోటీగా విడుదలైన ఈ చిత్రం కోలీవుడ్ బాక్సాఫీసు వద్ద రూ. 100 కోట్లకుపైనే వసూలు చేసింది.
సంక్రాంతి సందర్భంగా తెలుగునాట థియేటర్ల సమస్య ఉండటంతో ఇక్కడ విడుదల సాధ్యం కాలేదు. మార్చి 1న సినిమాను టాలీవుడ్ ప్రేక్షకుల ముందుకు తెచ్చేందుకు ప్లాన్ చేస్తున్నారు. అయితే ప్రీ రిలీజ్ బిజినెస్ చాలా తక్కువ జరుగడం విస్మయానికి గురి చేస్తోంది.
ప్రీ రిలీజ్ బిజినెస్
తెలుగులో అన్ని ఏరియాలకు కలిపి ఈ చిత్రం థియేట్రికల్ రైట్స్ రూ. 2.60 కోట్లకు అమ్ముడైనట్లు తెలుస్తోంది. ఇంతకు ముందు తెలుగులో విడుదలైన అజిత్ సినిమాలు వివేకం(రూ. 5.5 కోట్లు), ఆట ఆరంభం(రూ. 4 కోట్లు)తో పోలీస్తే ఇది చాలా తక్కువ.
అజత్ సినిమాలకు డిమాండ్ తగ్గిందా?
అజిత్ నటించిన సినిమాలకు తెలుగులో పెద్దగా ఆదరణ లేక పోవడం, వివేకం, ఆట ఆరంభం చిత్రాలకు ఇక్కడ ఆశించిన స్థాయిలో లాభాలు రాక పోవడంతో ‘విశ్వాసం' థియేట్రికల్ రైట్స్ ఇంత తక్కువ మొత్తం రావడానికి కారణంగా తెలుస్తోంది.
సిరుతై శివ
వీరం, వేదాలం, వివేగం సినిమాలను తెరకెక్కించిన సిరుతై శివ దర్శకత్వం వహించిన ఈ చిత్రంలో అజిత్ సరికొత్త మాస్ లుక్తో తన విశ్వరూపం చూపించారు. పల్లెటూరి నేపథ్యంలో సాగే కథ కావడంతో మాస్కు బాగా కనెక్ట్ అయ్యే విధంగా ఉంది.
విశ్వాసం
అజిత్ సరసన నయనతార హీరోయిన్గా నటించింది. ఇద్దరి మధ్య వచ్చే సన్నివేశాలు ప్రేక్షకులకు కనువిందు చేస్తాయి. సత్యరాజ్, ప్రభు గణేశన్, సంపత్రాజ్, యోగిబాబు, వివేక్ తదితరులు కీలక పాత్రల్లో నటించారు. సత్యజ్యోతి ఫిల్మ్స్ సంస్థ నిర్మించిన ఈ సినిమాకు ఇమాన్ సంగీతం అందించారు.