షూటింగ్ ఓ వైపు, ఫిఫా వరల్డ్ కప్ ఓ వైపు.. రాంచరణ్, వివేక్ ఒబెరాయ్ ఏం చేస్తున్నారంటే!

క్రీడలంటే అభిమానం

సినిమా నటులు చాల మంది క్రీడల పట్ల ఆసక్తి చూపించడం చూస్తూనే ఉన్నాం. విక్టరీ వెంకటేష్ ఎక్కువగా క్రికెట్ స్టేడియంలో దర్శనమిస్తుంటారు. రాంచరణ్, వివేక్ ఒబెరాయ్ ఇద్దరూ ఫిఫా వరల్డ్ కప్ మ్యాచులపై అత్యంత ఆసక్తి కనబరుస్తునట్లు తెలుస్తోంది.

ఇద్దరూ కలసి

వివేక్ ఒబెరాయ్, రాంచరణ్ ఇద్దరూ కలసి ఇప్పటికే ఫిఫా వరల్డ్ కప్ మ్యాచులు చూసినట్లు తెలుస్తోంది. వీరితో బోయపాటి శ్రీను కూడా కలిశారట. ప్రతి మ్యాచ్ ని మిస్ కాకుండా చూడడానికి ప్రాధాన్యత ఇచ్చారట.

ఫైనల్ కోసం ప్లానింగ్

ఆదివారం రోజు ఫిఫా వరల్డ్ కప్ ఫైనల్ మ్యాచ్ జరగబోతోంది. ఈ మ్యాచ్ ని సినిమా సెట్ లోనే చూసేందుకు రాంచరణ్, వివేక్ ఒబెరాయ్ ఏరాప్టులు చేసుకుంటున్నట్లు చిత్ర యూనిట్ చెబుతోంది.

బోయపాటి సినిమా

ఇక సినిమా విషయానికి వస్తే బోయపాటి చిత్ర షూటింగ్ శరవేగంగా జరుగుతోంది. భారీ యాక్షన్ ఎంటర్ టైనర్ గా బోయపాటి ఈ చిత్రం తెరకెక్కిస్తున్నారు. సంక్రాంతి కానుకగా ఈ చిత్రాన్ని విడుదల చేయాలనేది ప్లాన్.