పవన్ తో మంచి సినిమా తీయండంటూ వివి వినాయక్ కి వార్నింగ్స్

పవన్ కళ్యాణ్ - వివి వినాయక్ ల సూపర్ కాంబినేషన్ లో ఓ సినిమా రానుందనీ, ఆ చిత్రం కోసం 2011 మార్చి నుండి పవన్ కళ్యాణ్ డేట్స్ కూడా ఇచ్చేశారనీ చాలా రోజుల నుండి వినవస్తున్న సమాచారం. ఇప్పుడా క్రేజీ ప్రాజెక్ట్ కి సంబంధించిన మరిన్ని వివరాల్లోకి వెళితే..పవన్ -వినయ్ ల తొలి కలయికలో రానున్న ఈ చిత్రానికి ఆకుల శివ సిద్దం చేస్తోన్న స్ర్కిప్ట్ అద్భుతంగా వచ్చిందనీ, ఇందులో పవర్ స్టార్ సరసన ఇద్దరు హీరోయిన్స్ వుంటారనీ తెలిసింది. అలాగే ఆల్ రెడీ పవన్ ఫ్యాన్స్ ని ఓసారి 'జల్సా" చేయించిన దేవిశ్రీ ప్రసాద్ ఈ చిత్రానికి స్వరాలు సమకూర్చే అవకాశం వుందని సమాచారం. అన్నట్టు..వివి వినాయక్ పిల్లలిద్దరూ పవన్ కళ్యాణ్ ఫ్యాన్స్ అవడం వలన 'పవన్ అంకుల్ తో మంచి సినిమా తియ్యండి డాడీ" అంటూ కొడుకు - కూతురు ఇద్దరూ కలిసి ముద్దు ముద్దుగా వినయ్ కి వార్నింగ్స్ ఇస్తున్నారట.