Don't Miss!
- Lifestyle డిఫరెంట్ స్టైల్ లో నోనూరించే మటన్ రోస్ట్
- News Viral Video: రాజకీయ దిగ్గజాల కాళ్లు మొక్కిన టీడీపీ అభ్యర్ధి నిమ్మల..!
- Technology ఆంధ్రప్రదేశ్ లో 7.9 మిలియన్ల 5G యూజర్ లతో, Airtel మరో రికార్డు! 5G విస్తరణ వివరాలు
- Finance Gold Rate: మిసైల్ వేగంతో పెరిగిన పసిడి.. నిన్న పడింది నేడు పుంజుకుంది..
- Automobiles 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
- Sports వరుస పరాజయాల వేళ.. ఆర్సీబీ, కోహ్లీ ఫ్యాన్స్కు గుడ్ న్యూస్
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
సప్తగిరి ఇరగదీశాడు.. నిజంగా అదృష్టమే.. వీవీ వినాయక్ సెన్సేషనల్ కామెంట్
కామెడీ కింగ్ సప్తగిరి హీరోగా సప్తగిరి ఎక్స్ప్రెస్ లాటి సూపర్హిట్ చిత్రాన్ని నిర్మించిన డాక్టర్ రవికిరణ్ మళ్లీ సప్తగిరి హీరోగా సప్తగిరి ఎల్ఎల్బి చిత్రాన్ని నిర్మిస్తున్న విషయం తెలిసిందే. ఈ చిత్రం అన్ని కార్యక్రమాలు పూర్తి చేసుకొని డిసెంబర్ 7న వరల్డ్వైడ్గా రిలీజ్కు సిద్ధమవుతున్నది. బుల్గానిన్ సంగీత సారధ్యంలో రూపొందిన ఈ చిత్రం ఆడియోలోని 'చిత్తూరికే చందురూడే చిందే వేస్తే..' అంటూ సాగే మొదటి పాటకి కందికొండ సాహిత్యం అందించగా, శంకర్ మహదేవన్ ఆలపించారు. అవినాష్ నృత్య దర్శకత్వం వహించారు. ఈ పాటను సెన్సేషనల్ డైరెక్టర్ వీవీ వినాయక్ విడుదల చేశారు.
నిర్మాత రవికిరణ్ గురించి వినాయక్
ఈ సందర్భంగా సెన్సేషనల్ డైరెక్టర్ వి.వి.వినాయక్ మాట్లాడుతూ.. నిర్మాత రవికిరణ్గారు చాలా బిజీగా వుండే డాక్టర్. కేవలం డబ్బు కోసం కాకుండా పేదలకు ఉచితంగా వైద్యం చేస్తున్న హోమియో వైద్యుడు. అలాంటి మంచి మనిషి సినిమాల మీద ప్యాషన్తో 'సప్తగిరి ఎక్స్ప్రెస్' చిత్రాన్ని నిర్మించారు. ఆ చిత్రం మంచి సక్సెస్ అయ్యింది. మళ్లీ 'సప్తగిరి ఎల్ఎల్బి' చిత్రాన్ని నిర్మిస్తున్నారు. ఈ చిత్రం పెద్ద హిట్ అయి నిర్మాత రవికిరణ్గారికి మంచి లాభాలు రావాలి అని అన్నారు.
సప్తగిరి అంటే నాకు ఇష్టం
నాకు చాలా ఇష్టమైన కమెడియన్లలో సప్తగిరి ఒకరు. సప్తగిరి ఎల్ఎల్బీ చిత్రంలో ఫస్ట్ సాంగ్ చూశాను. చాలా బాగుంది. డాన్సులు ఇరగదీశాడు. హిందీలో జాలీ ఎల్ఎల్బి చూశాను. నాకు చాలా బాగా నచ్చింది. చాలా మంచి కథ. ఈ సినిమా ఎవరితో తియ్యాలో అర్థం కాక వదిలేశాను. ఠాగూర్ చిత్రంలో ఎంత నిజాయితీగా, ఎంత స్ట్రాంగ్గా కంటెంట్ వుంటుందో ఈ చిత్రంలో కూడా అంతే స్ట్రాంగ్ కంటెంట్ వుంటుంది. సప్తగిరికి అత మంచి కథ సప్తగిరికి దొరకడం అతని అదృష్టం అని వినాయక్ తెలిపారు.
బ్రేక్ కోసం చరణ్
సప్తగిరి ఎల్ఎల్బీ సినిమా డైరెక్టర్ చరణ్ మద్రాసులో ఉన్నప్పటి నుంచి నాకు బాగా పరిచయం. చాలా తెలివైన వాడు. ఎప్పట్నుంచో మంచి బ్రేక్ కోసం ఎదురుచూస్తున్నాడు. సరైన టైమ్లో చరణ్కి ఈ సినిమా రావడం చాలా ఆనందంగా వుంది. డెఫినెట్గా ఈ సినిమా చరణ్కి మంచి బ్రేక్ అవుతుంది. బుల్గానిన్ మ్యూజిక్ చాలా బాగుంది. ట్రైలర్ చూశాను. చాలా చాలా బాగుంది. ఖచ్చితంగా ఈ సినిమా సూపర్హిట్ అవుతుంది. టీమ్ అందరికీ ఆల్ ది బెస్ట్ అని వినాయక్ అన్నారు.
వినాయక్ లైఫ్ ఇచ్చారు..
కామెడీ కింగ్ సప్తగిరి మాట్లాడుతూ .. ఈ చిత్రంలోని ఫస్ట్ సాంగ్ని లాంచ్ చేయడానికి వినాయక్గారిని అడిగిన వెంటనే ఒప్పుకున్నారు. ఎంతో మందికి లైఫ్ ఇచ్చారు ఆయన. మంచి మనసుతో మా టీమ్ని బ్లెస్ చేసి మా చిత్రంలోని ఫస్ట్ సాంగ్ని లాంచ్ చేయడం మాకు ఎంతో సంతోషాన్ని కలిగిస్తోంది. ఆయనకి ప్రత్యేక కృతజ్ఞతలు'' అన్నారు.
వినాయక్ నైతిక మద్దతు
దర్శకుడు చరణ్ లక్కాకుల మాట్లాడుతూ ఎప్పటి నుంచో వినాయక్గారితో పరిచయం వుంది. ఆయన్ని ఎప్పుడు కలిసినా నువ్వు ఇంకెన్నాళ్లు కోడైరెక్టర్గా చేస్తావు త్వరగా డైరెక్షన్ చెయ్యి అని ఎంతో మోరల్ సపోర్ట్ ఇచ్చి ఎంకరేజ్ చేసేవారు. అలాంటి వినాయక్గారు మా చిత్రంలోని ఫస్ట్ సాంగ్ రిలీజ్ చేయడం చాలా ప్రౌడ్గా ఫీల్ అవుతున్నాను. మా నిర్మాత రవికిరణ్గారు ఎక్కడా కాంప్రమైజ్ అవకుండా ఈ చిత్రాన్ని చాలా రిచ్గా నిర్మించారు. అలాగే మా హీరో సప్తగిరి ఫస్ట్ నుండి ఎంతో సపోర్ట్ చేశారు. ఆయనకు నా థాంక్స్'' అన్నారు.
వినాయక్ ఆవిష్కరించడం
చిత్ర నిర్మాత డా.రవికిరణ్ మాట్లాడుతూ మా బేనర్లో నిర్మిస్తున్న ద్వితీయ చిత్రం సప్తగిరి ఎల్ఎల్బి. మంచి మనసున్న వ్యక్తి, చిన్న సినిమా నిర్మాతలు పైకి రావాలని కోరుకునే వినాయక్గారు మా చిత్రంలోని మొదటి పాటని ఆవిష్కరించడం మా అదృష్టం. ఇక నుంచి మా బేనర్లో మంచి మెసేజ్ ఓరియెంటెడ్ సినిమాలు వస్తాయి. ఈ చిత్రంలో సప్తగిరి డాన్సులు అద్భుతంగా చేశాడు. బుల్గానిన్ మంచి సాంగ్స్ ఇచ్చారు. సినిమా చాలా బాగా వచ్చింది. డిసెంబర్ 7న ఈ చిత్రాన్ని ప్రపంచ వ్యాప్తంగా రిలీజ్ చేస్తున్నాం అని అన్నారు.
ఎక్సలెంట్గా సప్తగిరి ఎల్ఎల్బీ ఆడియో
సంగీత దర్శకుడు బుల్గానిన్ మాట్లాడుతూ.. వినాయక్గారిలాంటి పెద్ద డైరెక్టర్ మా సినిమా తొలి పాటని లాంచ్ చేయడం చాలా హ్యాపీగా వుంది. రవికిరణ్గారి బేనర్లో ఇది నా సెకండ్ మూవీ. నాకు ఎంతో సపోర్ట్ ఇచ్చి మంచి సాంగ్స్ రాబ్టుకున్నారు. పాటలన్నీ ఎక్స్లెంట్గా వచ్చాయి. విన్నవారంతా సాంగ్స్ చాలా బాగున్నాయని మెచ్చుకుంటున్నారు. మా హీరో సప్తగిరి, డైరెక్టర్ చరణ్గారు నాకు ఎంతో ఫ్రీడమ్ ఇచ్చి మంచి ఆడియో చేయడానికి సహకరించారు అని తెలిపారు.
నటీనటులు వీరే
కామెడీ కింగ్ సప్తగిరి సరసన కశిష్ వోరా హీరోయిన్గా నటిస్తున్న ఈ చిత్రానికి మాటలు: పరుచూరి బ్రదర్స్, సంగీతం: విజయ్ బుల్గానిన్, కో-డైరెక్టర్: రాజశేఖర్రెడ్డి పులిచెర్ల, ఫొటోగ్రఫీ: సారంగం ఎస్.ఆర్, ఎడిటింగ్: గౌతంరాజు, ఆర్ట్: అర్జున్, పాటలు: చంద్రబోస్, కందికొండ, ప్రొడక్షన్ ఎగ్జిక్యూటివ్: భిక్షపతి .