Waltair Veerayya డబుల్ బ్లాక్‌బస్టర్ అని బాస్ మెసేజ్.. థియేటర్ల సమస్యపై నిర్మాత ఘాటుగా కౌంటర్

థియేటర్ల సమస్యపై నిర్మాత

థియేటర్ల గురించి అసలు ఆలోచించకండి. ఎలాంటి పరిస్థితుల్లో అభిమానులు ఆందోళన చెందవద్దు. థియేటర్లను ఎన్ని ఓపెన్ చేయాలో అన్నీ చేసేస్తాం. వాటి గురించి మీరు ఎలాంటి టెన్షన్ పడవద్దు. వాల్తేర్ వీరయ్య సినిమాను ఎన్ని థియేటర్లు లభిస్తే.. అన్ని థియేటర్లలో వేస్తాం. దాని గురించి ఆలోచించకండి అని నిర్మాత రవి శంకర్ అన్నారు.

చిరంజీవి సినిమా చూసి మెసేజ్ ఇలా

రెండు రోజుల క్రితం బాస్ (చిరంజీవి) సినిమా చూశాడు. సినిమా చూసిన వెంటనే నాకు మెసేజ్ పెట్టాడు. వాల్తేర్ వీరయ్య కన్ఫార్మ్‌గా హిట్. అడ్వాన్స్ కంగ్రాట్స్. మీ ప్రేమకు, అప్యాయతకు నా ధన్యవాదాలు అని చిరంజీవి మెసేజ్ పెట్టారని నిర్మాత రవి శంకర్ ఫోన్‌లో వాట్సప్ మెసేజ్‌ను చూపించారు. ఇలాంటి పరిస్థితుల్లో ఏదైనా ఊర్లో ఎలాంటి చిన్న ప్రాబ్లెం వచ్చినా మేము చాలా జాగ్రత్తగా డీల్ చేస్తామని అన్నారు.

వాల్తేరు వీరయ్య నెల రోజులు ఆడే మూవీ

గతంలో సంక్రాంతి పండుగ సీజన్‌లో అల వైకుంఠపురంలో, సరిలేరు నీకెవ్వరు సినిమా విషయంలో థియేటర్ల విషయంలో ఇలాంటి రాద్దాంతమే జరిగింది. అలా వైకుంఠపురంలో సినిమా తర్వాత రిలీజైనా.. ఆ సినిమా బ్లాక్‌బాస్టర్ అయింది. అయితే చిరంజీవి పెట్టిన మెసేజ్‌తో ఈ సినిమా రేంజ్‌ ఏంటో తెలిసిపోయింది. వాల్తేరు వీరయ్య ఒక్కరోజు ఆడే సినిమా కాదు. నెల రోజులు ఆడే సినిమా అని నిర్మాత రవిశంకర్ ధీమా వ్యక్తం చేశారు.

మీ సపోర్టు కావాలి..

టాలీవుడ్‌లో ఎన్నడూ లేని విధంగా వాల్తేరు వీరయ్య రికార్డులు క్రియేట్ చేస్తుంది. నెల రోజులు ఆడే సినిమాతో బాస్, మేము మీ ముందుకు వస్తున్నాం. కాబట్టి మీ సపోర్ట్ కావాలి. మీరు ఫస్ట్ డే గురించే మీ ఫోకస్. దాన్ని మాకు వదలేయండి. మాగ్జిమమ్ న్యాయం జరుగుతుంది. మీరు ఎలాంటి టెన్షన్ పడొద్దు అని నిర్మాత రవిశంకర్ చెప్పారు.

మోడరన్ ఇంద్రగా వాల్తేరు వీరయ్య

వాల్తేర్ వీరయ్య ఈ మధ్యకాలంలో వచ్చిన అతిపెద్ద కమర్షియల్ సినిమా. చాలా కంటెంట్ ఉంది. థియేటర్ ఇష్యూ అసలు ఉండదు. ఖైదీకి పలుమార్ల రెట్టింపు విజయం సాధించే సినిమా. వాల్తేర్ వీరయ్య సినిమా మోడరన్ ఇంద్ర మాదిరిగా ఉంటుంది. ఈ సినిమాకు రిపీట్ ఆడియెన్స్ వాల్యూ ఉంటుంది. కాబట్టి మీరు సినిమాను ఎలా ఎంజాయ్ చేయాలో అనే విషయాన్ని ఆలోచించండి అని రవి శంకర్ అన్నారు.