కౌశల్ ఆర్మీ, ప్రభాస్ ఫాన్స్ మధ్య వార్.. కారణం ఇదే!

తుఫాను భాదితులకు సహాయం

తిత్లీ తుఫాను బీభత్సంతో శ్రీకాకుళం జిల్లా అతలాకుతలంగా మారిన సంగతి తెలిసిందే. తుఫానుభాదితులకు కౌశల్ ఆర్మీ సహాయ సహకారాలు అందించింది. నిన్ననే ప్రభాస్ జన్మదిన వేడుకలు తెలుగు రాష్ట్రల్లో ఘనంగా జరిగాయి. ఈ సందర్భంగా కౌశల్ ఆర్మీకి, ప్రభాస్ అభిమానులకు మధ్య వివాదం ఏర్పడి సోషల్ మీడియాలో పెద్ద రచ్చగా మారింది.

ఆ గొడవకు కారణం

ప్రభాస్ అభిమానుల కంటే కౌశల్ ఆర్మీ శక్తివంతమైనది అనే వాదన రావడంతో గొడవ ప్రారంభమైనట్లు తెలుస్తోంది. ఈ వివాదం సోషల్ మీడియా వేదికగా తీవ్రమైన చర్చకు దారితీసింది. స్టార్ హీరోల అభిమానుల మధ్య వివాదాలు కొత్తేమి కాదు. తమ హీరో గొప్ప అంటే తమ హీరోనే గొప్ప అని తరచుగా అభిమానుల మధ్య వాదోపవాదాలు జరుగుతూ ఉంటాయి.

కౌశల్ ఆర్మీని విస్తృతం చేయాలని

బిగ్ బాస్ విజేత కౌశల్ తన ఆర్మీని మరింత విస్తృతం చేస్తానని ఇదివరకే ప్రకటించాడు. గతంలో కూడా కౌశల్ ఆర్మీ హీరో నానిపై ట్రోలింగ్ చేసిన సంగతి తెలిసిందే. కౌశల్ కు ఎవరు ఎదురెళ్ళినా వారిపై కౌశల్ ఆర్మీ ట్రోలింగ్ మొదలు పెడుతోందని అపవాదు ఉంది. అసభ్యంగా కామెంట్స్ చేసేవాళ్ళు కౌశల్ ఆర్మీలో భాగం కాదని కౌశల్ ఇదివరకే ప్రకటించాడు.

ఏకపక్షంగా

కౌశల్ బిగ్ బాస్ 2 విజేతగా భారీ ఓటింగ్ తేడాతో విజయం సాధించాడు. ఈ ఏకపక్ష విజయం కౌశల్ ఆర్మీ వలనే సాధ్యం అయింది. బిగ్ బాస్ తరువాత కూడా కౌశల్ ఆర్మీ వివాదాల్లో భాగం కావడం చర్చనీయాంశంగా మారింది.