వార్నర్ బ్రదర్స్ డైరక్ట్ తెలుగులో...

ప్రపంచ ప్రసిద్ధి గాంచిన వార్నర్ బ్రదర్స్ తెలుగులో డైరక్ట్ సినిమా చేయనున్నారని సమాచారం.రాజేష్ టచ్ రివర్ అనే దర్శకుడుతో ఈ చిత్రం ప్లాన్ చేస్తున్నారని తెలుస్తోంది. తెలుగు,తమిళ,మళయాళ,ఇంగ్లీష్ లలో రూపొందే ఈ చిత్రం స్క్రిప్ట్ ఓకె చేసి బడ్జెట్ ఇచ్చినట్లు చెప్తున్నారు. ఇక జనవరి నుండి ప్రారంభమయ్యే ఈ సినిమాలో అంతా కొత్త వాళ్ళే చేసే అవకాశం ఉంది. మీడియం బడ్జెట్ లో నిర్మితమయ్యే ఈ సినిమా వర్కవుట్ అయితే వరసగా ఆ సంస్ధ సినిమాలు నిర్మించే అవకాశం ఉందంటున్నారు.

అలాగే తమ హాలీవుడ్ హిట్స్ ని భారతీయ భాషల్లో రీమేక్ కూడా చేసే ఆలోచనలో ఆ సంస్ధ ఉంది. ఇప్పటికే ఆ తరహా సినిమాలు హిందీలో ప్రారంభమయ్యాయి. కాబట్టి ఈ సినిమా విజయం పై మిగతా టైఅప్స్ అవకాశాలు ఆదారపడి ఉంటాయి.రాజేష్ టచ్ రివర్ గతంలో ఇన్ ది నేమ్ ఆఫ్ బుద్ద అనే సినిమాను,తెలుగులో 10 ద స్ట్రేంజర్స్ అనే చిత్రాన్ని రూపొందించారు.అలాగే ఆయన లేటెస్ట్ వెంచర్ ఒన్ లైఫ్..నొ ప్రైస్ అనే చిత్రం ప్రపంచ వ్యాప్తంగా ప్రశంసలు పొందుతోంది. అందులో బాలీవుడ్ స్టార్స్ అమితాబ్,జాన్ అబ్రహం,ప్రీతి జింతా చేయటం విశేషం.బెస్టాఫ్ లక్ రాజేష్