మా మీద ఫత్వాలున్నాయ్: ప్రవక్త మీద సినిమా విషయం గుర్తు చేసుకున్న రెహమాన్

మొహమ్మద్: ది మెసెంజర్ ఆఫ్ గాడ్

గోవాలో ఇంటర్నేషనల్ ఫిలిం ఫెస్టివల్ ఆఫ్ ఇండియా జరుగుతోంది. తొలి రోజున ఈ కార్యక్రమానికి ఏఆర్ రెహమాన్ తో పాటు.. మాజిద్ మాజిది కూడా అటెండ్ అయ్యారు. 2015లో వచ్చిన మొహమ్మద్: ది మెసెంజర్ ఆఫ్ గాడ్ చిత్రానికి గాను తమపై ఫత్వాలు జారీ అయిన విషయాన్ని గుర్తు చేసుకున్నాడు ఏఆర్ రెహమాన్.

మహమ్మద్ ప్రవక్త

మహమ్మద్ ప్రవక్తపైసినిమా తీసినందుకు ఆ చిత్ర దర్శకుడు మాజిద్ కు, సంగీతం సమకూర్చినందుకు ఏఆర్ రెహ్మాన్ కు ఫత్వాలు జారీ చేశారు. ముంబయికి చెందిన రజా అకాడెమీ ఈ ఫత్వాను జారీ చేసింది. ఇస్లాం ప్రకారం మొహమ్మద్ ప్రవక్తకు సంబంధించి ఎలాంటి బొమ్మలు, సినిమాలు తీయటం నిషేధం.

ప్రవక్తపై సినిమా తీశారు

మాజిద్ ఇరాన్ ప్రభుత్వ సాయంతో ప్రవక్తపై సినిమా తీశారు. దానికి రెహమాన్ సంగీతం అందించారు. అందుకే ఇప్పుడు ఆ విషయంలో ఇద్దరూ ఒకటే అన్నట్టు పోల్చిన రెహమాన్ బియాండ్ ద క్లౌడ్స్ అంటూ తమ తర్వాతి ప్రాజెక్టు ఉంటుందని చెప్పుకొచ్చారు.

మాజిద్ మాజిది

'అంతర్జాతీయంగా ప్రఖ్యాతి గాంచిన మాజిద్ మాజిది వంటి తో కలిసి వర్క్ చేయడం ఎంతో సంతోషం కలిగించే విషయం. ఆయన ఎంతో ధైర్యం ఉన్న వ్యక్తి. మా ఇద్దరి మీదా ఫత్వాలు జారీ అయ్యాయి. మేము ఎలైట్ సొసైటీకి చెందిన వ్యక్తులం' అంటూ నవ్వేశారు రెహమాన్.

మాళవికా మోహనన్

ఇషాన్ ఖట్టర్.. మాళవికా మోహనన్ కలిసి నటించిన బియాండ్ ద క్లౌడ్స్ చిత్రం కోసం ప్రస్తుతం వీరు కలిసి పని చేస్తున్నారు. అన్నా-చెల్లెళ్ల రిలేషన్ షిప్ ఈ చిత్రానికి మూలకథగా ఉంటుంది. ముఖ్య పాత్రలో సీనియర్‌ తమిళ నటి జీవీ.శారద నటిస్తున్నారు.

మూడు భాషల్లో

ఈమె చాలా కాలం తరువాత తమిళంలో కనిపించనున్న చిత్రం ఇదే అవుతుంది. బియాండ్‌ ది క్లౌడ్స్‌ చిత్రాన్ని మూడు భాషల్లో ఆయా సంస్కృతి సంప్రదాయాలను దృష్టిలో పెట్టుకుని చేర్పులు మార్పులు చేసి రూపొందిస్తున్నారట.