ఇంతకీ సురేష్ బాబు చురకలు ఏ డైరక్టర్ ని ఉద్దేశించో

వెంకటేష్ తో చంద్రముఖి సీక్వెల్ ని బెల్లంకొండ సురేష్ నిర్మిస్తున్న సంగతి తెలిసిందే. ఈ చిత్రం రీమేక్ ని పి.వాసుకే అప్పచెప్పటానికి కారణం సురేష్ బాబు చెబుతూ...పి.వాసు...చక్కగా హోమ్ వర్క్ చేసుకుని సెట్ లోకి వస్తారు. అనుకున్న టైమ్ లో ఓవర్ బడ్జెట్ కాకుండా తీస్తారు..అందుకే తీసుకున్నాం అంటున్నారు. వింటానికి బాగానే ఉన్నా సురేష్ బాబు వేస్తున్న ఈ చురకలు ఎవరికనేది మాత్రం సస్పెన్స్ గా ఉంది. ఇక ఈ సీక్వెల్ చిత్రంలో అయిదుగురు హీరోయిన్స్ నటిస్తున్నారు. అనుష్క, కమలిని ముఖర్జీ, శ్రద్ధాదాస్‌, పూనమ్‌కౌర్‌, రిచా గంగోపాధ్యాయ ఈ చిత్రంలో హీరోయిన్స్. అలాగే చనిపోయి దెయ్యంగా మారి వెంకటేష్ ని తరిమే పాత్రలో కమిలినీ ముఖర్జీ కనపడనుంది.