బద్రీనాధ్ లో ఆ పార్ట్ ని రీషూట్ చేస్తున్నాం...అల్లు శిరీష్

మేము బద్రీనాధ్ చిత్రంలోని కామిడీ ఎపిసోడ్ ని రీషూట్ చేస్తున్నాము.అయితే అది తమిళ వెర్షన్ కోసం.అక్కడ టాప్ కమిడెయన్ సంతానం ఆ షూటింగ్ లో పాల్గొంటారు.సునీల్ తెలుగులో చేసిన కామిడీ పార్ట్ ని మారుస్తున్నాము అంటూ చెప్పుకొచ్చారు అల్లు శిరీష్. అల్లు అర్జున్ హీరోగా రూపొందుతున్న బద్రీనాధ్ చిత్రం తెలుగు,తమిళ వెర్షన్ లలో ఒకే సారి విడుదలకు ప్లాన్ చేస్తున్నారు. రెండు రోజుల క్రితం ఈ చిత్రం ఆడియోని ఘనంగా విడుదల చేసారు. తమన్నా హీరోయిన్ గా చేస్తున్న ఈ చిత్రంలో అల్లు అర్జున్ ఇండియన్ సమురాయ్ గా కనిపిస్తారు.

గీతా ఆర్ట్స్ పతాకంపై రూపొందిన ఈ చిత్రాన్ని అల్లు అరవింద్ నిర్మిస్తున్నారు...వి వి వినాయిక్ డైరక్ట్ చేస్తున్నారు. గతంలో వి వి వినాయిక్, అల్లు అర్జున్ కాంబినేషన్ లో బన్నీ చిత్రం విడుదలై మంచి విజయం సాదించింది. డిఫెరెంట్ బ్యాక్ డ్రాప్ లో రూపొందుతున్న ఈ చిత్రంపై మంచి అంచనాలే ఉన్నాయి. అల్లు అర్జున్‌ చిత్రం గురించి చెబుతూ....ఇది నా పదో సినిమా. నా తొలి చిత్రానికి కథను ఇచ్చింది చిన్నికృష్ణ. స్వరాలు అందించింది కీరవాణి. మళ్లీ పదో చిత్రానికి వారిద్దరూ పని చేయడం సంతోషంగా ఉందన్నారు.