Don't Miss!
- Lifestyle ఇవి తింటే మీ జుట్టు చాలా బలంగా మారుతుంది.. బట్టతల కూడా రాదు..
- News Lok Sabha Election 2024: 102 సీట్లలో తొలి దశ పోలింగ్ పూర్తి- దాదాపు 60 శాతం ఓటింగ్..!
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Sports SRH playing XI: అతనిపై వేటు..ఢిల్లీతో ఆడే తుదిజట్టు ఇదే
- Automobiles ఈవీ ఓనర్లకు Google Maps గుడ్ న్యూస్.. ఇకపై మీకు ఈ టెన్షన్ ఉండదు.!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
దారుణమైన పరిస్థితి... పొదల్లో, చెట్ల వెనకే అంతా జరిగేది: శ్రీదేవి షాకింగ్ కామెంట్
తాను ఇండస్ట్రీకి వచ్చిన కొత్తలో హీరోయిన్ల పరిస్థితి దారుణంగా ఉండేదని శ్రీదేవి తెలిపారు. అప్పట్లో లొకేషన్లలో చెట్లు, పొదల మాటునే బట్టలు మార్చుకోవాల్సి వచ్చేదని తెలిపారు.
ఒకప్పుడు షూటింగ్ స్పాట్లలో సినిమా హీరోయిన్ల పరిస్థితి చాలా దారుణంగా ఉండేదని ప్రముఖ నటి శ్రీదేవి అన్నారు. ఆమె నటించిన 'మామ్' చిత్రం జులై 14న విడుదలవుతోంది. ఈ సినిమా ప్రమోషన్స్ లో భాగంగా టీవీ ఛానల్ ఇంటర్వ్యూలో ఆమె 'మామ్' సినిమా విశేషాలతో పాటు తన గత సినీ జీవితానికి సంబంధించిన విషయాలను గుర్తు చేసుకుంటున్నారు.
తాను సినిమాల్లో ప్రవేశించిన కొత్తలో, హీరోయిన్గా కెరీర్ మొదలు పెట్టిన రోజుల్లో ఔట్ డోర్ షూటింగుల్లో పరిస్థితి చాలా దారుణంగా ఉండేదని.... అలాంటి భయంకరమైన పరిస్థితులు ఇపుడు లేవని ఆమె తెలిపారు.
పొదల్లో, చెట్లలోనే అంతా
తాను హీరోయిన్ గా కెరీర్ మొదలు పెట్టిన సమయంలో ఔట్ డోర్ షూటింగుల్లో బట్టలు మార్చుకోవాల్సిన పరిస్థితి వస్తే పొదల్లో, చెట్ల చాటున మార్చుకునే వాళ్లమని ఆమె తెలిపారు. ఇపుడు ప్రతి షూటింగ్ స్పాట్లో కారావ్యాన్లతో సహా అన్ని ఏర్పాట్లు ఉంటున్నాయని, అప్పటితో పోల్చుకుంటే ఇపుడు పరిస్థితి చాలా బెటర్ అన్నారు.
అనారోగ్యం పాలయ్యేవారం
అప్పట్లో షూటింగ్ లొకేషన్లలో తాను మంచి నీరు కూడా ముట్టుకునేదాన్ని కాదు. ఎందుకంటే అక్కడ వాష్ రూమ్స్ కూడా ఉండేవి కాదు. రెయిన్ డాన్స్ లాంటివి చేసిన సమయంలో అనారోగ్యం పాలయ్యేవారం. అప్పట్లో ఇలాంటివి చేయాలంటే చాలా చిరాకు అనిపించేది అని శ్రీదేవి తెలిపారు.
కూతురు గురించి
తన కూతురు జాన్వి సినిమా తెరంగ్రేటం గురించి ఇప్పుడే ఏమీ చెప్పలేను. సమయం వచ్చినపుడు అన్ని విషయాలు చెబుతాను అని శ్రీదేవి ఈ విషయాన్ని స్కిప్ చేశారు.
మామ్
రవి ఉద్యయార్ దర్శకత్వం వహిస్తున్న ‘మామ్' చిత్రం హిందీతో పాటు తెలుగు, తమిళంలో జులై 14న విడుదల కాబోతోంది. ఈ సినిమాలో శ్రీదేవి ‘దేవకి' అనే పాత్రను పోషిస్తోంది. తల్లిసెంటిమెంట్ చుట్టూ సినిమా కథ తిరుగుతుందని తెలుస్తోంది.