అలా జరిగితే ఆ హీరోలందరూ ఔట్: సెక్సువల్ హరాస్మెంటుపై హీరోయిన్ సంచలనం!

బాలీవుడ్లోనూ ఉంది

హాలీవుడ్ తరహాలోనే బాలీవుడ్లోనూ సెక్సువల్ హరాస్మెంట్ సంఘటనలు, కాస్టింగ్ కౌచ్ లాంటివి చోటు చేసుకుంటున్నాయని రీచా చద్దా తెలిపారు.

నోరు విప్పితే ఆ హీరోలంతా ఔట్

బాలీవుడ్లోని హీరోయిన్లు, నటీమణులు మొత్తం ఏకతాటిపైకి వచ్చి సెక్సువల్ హరాస్మెంట్, కాస్టింగ్ కౌచ్ లాంటి వాటి మీద నోరు విప్పితే.... చాలా మంది హీరోలను మనం కోల్పోతాం. పలువురు తమ జీవితాలను, పనిని, లెగసీని కోల్పోతారు అని రీచా చద్దా సంచలన కామెంట్స్ చేశారు.

వారి పని కూడా అయిపోతుంది

అయితే మన దేశం పరువు పోయే రీతిలో బాలీవుడ్లో అలాంటివి ఇప్పట్లో చూస్తానని భావించడం లేదు. అలాంటివి జరిగినపుడు ఫెమినిస్ట్ ఫిల్మ్ తీస్తూ తాము ప్రగతిశీలురమని చెప్పుకుంటున్న వారు కూడా కిందకి పడిపోవడం ఖాయం అని రీచా చద్దా తెలిపారు.

ఎక్కడైనా అదే పరిస్థితి

రీచా చద్దా చెబుతున్న దాన్ని బట్టి హాలీవుడ్లో మాత్రమే కాదు... ప్రతి ఇండస్ట్రీలో ఇలాంటి దారుణమైన పరిస్థితులు ఉన్నాయని స్పష్టమవుతోంది. అయితే హాలీవుడ్ తరహాలో అందరూ ఒకేసారి బయటకు వచ్చి చెప్పినపుడే హార్వీ వెయిన్‌స్టాన్ లాంటి వారిపై కఠిన చర్యలు తీసుకోవడానికి వీలుంటుంది.