ఆమె వీపుని తాకలేక పిడికిళ్ళు బిగించాడు: సల్మాన్ ఖాన్, సనాఖాన్ ఒక హగ్ (వీడియో)

తెగ సిగ్గుపడుతుంటాడు

సల్మాన్‌ ఖాన్‌కు స్వతహాగా కొంచెం సిగ్గెక్కువని అంటుంటారు. అవార్డు ఫంక్షన్లు, అనేక ఈవెంట్లకు హాజరైనప్పుడు అందరితో సరదాగా ఉంటూ కలిసి పోయే సల్మాన్‌ హీరోయిన్లతో మాట్లాడాలంటే మాత్రం మొహమాట పడుతుంటాడని.. తెగ సిగ్గుపడుతుంటాడని బాలీవుడ్‌లో తరచూ విన్పిస్తుంటుంది. తాజాగా దీన్ని నిరూపిస్తూ ఇటీవల ఓ ఘటన జరిగింది.

బిత్తరపోయాడు

బిగ్ బాస్ -6 లో కంటెస్ట్‌గా ఉన్న సనాఖాన్ ముంబైలో జరిగిన బిగ్ జీ ఎంటర్‌టైన్‌మెంట్ అవార్డుల ఫంక్షన్‌లో రెడ్ కార్పెట్ మీద హల్‌చల్ చేసింది. ఈ నేపధ్యంలో ఆమె సల్మాన్‌ను కలుసుకోవాల్సిన ఘట్టం వచ్చింది. సల్మాన్... సనాను దగ్గరకు తీసుకునేందుకు ముందుకు వచ్చాడు. అయితే ఆమె స్టయిల్‌కు బిత్తరపోయాడు సల్మాన్..

పిడికిళ్లను బంధించాడు

ఆమెను ఆలింగనం చేసుకున్నప్పటికీ... ఆ సమయంలో తన పిడికిళ్లను బంధించాడు. సల్మాన్ ఎందుకు ఇలా బిత్తర పోయాడంటే. సనాఖాన్ ఈ ఈవెంట్ కోసం డిజైనర్ నికితా టండన్ రూపొందించిన బ్లాక్ అండ్ వైట్ సెమీ శారీలో బ్యాక్‌లెస్ డ్రెస్ ధరించింది. ఈ కారణంగానే సల్మాన్.. ఆమెను ఆలింగనం చేసుకునే సమయంలో ఎంతో జాగ్రత్తగా వ్యవహరిస్తూ, తన పిడికిళ్లను గట్టిగా బిగించాడు.

టాయిలెట్: ఏక్ ప్రేమ్ కథ

2014లో విడుదలైన సల్మాన్‌ఖాన్‌ ‘జయహో' చిత్రంలో బాలీవుడ్‌ నటి సనాఖాన్‌ నటించింది. సల్మాన్ వ్యాఖ్యాతగా వ్యవహరిస్తున్న ‘బిగ్‌బాస్‌' 6వ సీజన్‌లోనూ పాల్గొంది. దీంతో వీరిద్దరి మధ్య మంచి స్నేహం ఉంది. సల్మాన్ తన ‘టైగర్ జిందా' సినిమా షూటింగ్ తో బిజీగా ఉన్నాడు. సనాఖాన్... అక్షయ్‌కుమార్‌తో కలిసి నటించిన ‘టాయిలెట్: ఏక్ ప్రేమ్ కథ'లో నటిస్తోంది.