వాళ్లు ఎవరో చెప్పు... కాళ్లకు దండం పెడతా: సునీత బోయ ఇష్యూపై బన్నీ వాసు

ఆ ఒక్క పేరు చెప్పు చాలు... వాళ్ల కాళ్లకు దండం పెడతా

‘‘బోయక్కా.. ఇన్ని హెల్పులు చేశావు కదా ఇంకొక్క హెల్ప్ కూడా చేయ్... నీకు పాలకొల్లులో నా ఫోన్ నెంబర్ ఎవరు ఇచ్చారు? ఆ ఒక్క పేరు చెప్పు చాలు... నేను వాళ్ల కాళ్లకు దండం పెడతాను. ఆ పాలకొల్లు వ్యక్తిని నాకు ఒకసారి చూడాలని ఉంది.... అంటూ బన్నీ వాసు మరో వీడియో పోస్ట్ చేశారు.

అసలు ఏం జరిగిందంటే?

సునీత బోయ అనే జూనియర్ ఆర్టిస్ట్ కొన్ని రోజుల క్రితం తనను సినిమా అవకాశాల కోసం సంప్రదించిన మాట నిజమే అని బన్నీ వాసు ఇటీవల ఓ వీడియో ద్వారా వెల్లడించారు. ఆమెకు కొన్ని ఆడిషన్స్ కూడా జరిగాయి. అందులో ఆమె ప్రూవ్ చేసుకోలేకపోయింది. మున్ముందు ఏమైనా ఉంటే చూద్దాం అని చెప్పాం. కానీ ఓపిక పట్టకుండా మా ఆఫీసుకు వచ్చి గొడవ చేయడం మొదలు పెట్టడంతో తాము పోలీసులకు కంప్లయింట్ చేసినట్లు తెలిపారు.

ఇలాంటి బిహేవియర్ ఉంటే అవకాశాలు రావు

ఆర్టిస్ట్ అవ్వాలంటే ఎవరికైనా ఒక బ్యాలెన్స్ అనేది ఉండాలి. బ్యాలెన్స్ లేకుండా ఇలా చేస్తే ఇప్పుడే కాదు పది సంవత్సరాలైనా ఇలాగే ఉంటావు. బిహేవియర్ ఇలాగే ఉంటే నిన్ను తీసుకోవడానికి అంతా భయపడతారు. సినిమా షూటింగ్ అంటే ప్రతి నిమిషం లక్షలతో వ్యవహారం. షూటింగులో ఏదైనా చిన్న డిస్ట్రబెన్స్ జరిగినా లక్షల్లో నష్టం వస్తుంది. అందుకే ఆర్టిస్టుల బిహేవియర్ చాలా అబ్జర్వ్ చేస్తామని బన్నీ వాసు వెల్లడించిన సంగతి తెలిసిందే.

బన్నీ వాసు

బన్నీ వాసు 100%లవ్, కొత్తజంట, పిల్లా నువ్వులేని జీవితం, భలే భలే మగాడివోయ్, నెక్ట్స్ నువ్వే, గీత గోవిందం లాంటి చిత్రాలను నిర్మించారు. ‘గీత గోవిదం' ఆయన తన కెరీర్లో అందుకున్న అతిపెద్ద విజయం. దీంతో పాటు నా పేరు సూర్య నా ఇల్లు ఇండియా, శ్రీరస్తు శుభమస్తు, సరైనోడు చిత్రాలకు సహ నిర్మాతగా వ్యవహరించారు.